اشعار بہ لحاظ حروف تہجی

جذبِ دِل اُن کو دِکھانے میں تردّد تھا، خلش
ورنہ ہاتھوں میں دِئیے ہاتھ سبھی پھرتے تھے

 

حسرت ہے اُس کے دیکھنے کی دل میں بے قیاس
اغلب کہ میری آنکھیں رہیں باز میرے بعد

 

جستجو کی راہ پر چلنے سے پہلے سوچ لیں
ظرف شرط اولین ہے آگہی کے واسطے

 

میرا خیال ہے کہ لفظ ’’خ‘‘ سے شعر آنا ہے

 

او سوری
خود فروشانہ ادا تھی میری صورت دیکھنا
اپنے ہی جلوے، بہ اندازِ دِگر دیکھا کئے

 

ڈھونڈنے نکلے ہیں تجھ کو ماوراء آب و گل
عمر گزری یم بہ یم ، صحرا بہ صحرا دیکھتے

 

ذرا ٹھہر کہ کسی گل فروش کے یاں سے
میں چند ہار خریدوں اُداس گھر کے لئے
۔۔۔۔۔۔۔۔۔۔۔۔۔۔۔۔۔۔۔۔
ذرا سی دیر ٹھہرنے دے‘ اے غمِ دنیا
بُلا رہا ہے کوئی بام سے اُتر کے مجھے

 

زندگی میں تو وہ محفل سے اُٹھا دیتے تھے
دیکھوں اب مر گئے پر کون اُٹھاتا ہے مجھے
غالب

 

شہر پر ہول میں اب کے یہ منظر تھا
سگ کشادہ تھا مگر سنگ کو بستہ دیکھا
باغ حسین کمال

 

ضعف میں طعنہء اغیار کا شکوہ کیا ہے
بات کچھ سر تو نہیں ہے کہ اُٹھا بھی نہ سکوں

 

طلوع ہوگا ابھی کوئی آفتاب ضرور
دُھواں اُٹھا ہے سرِ شام پھر چراغوں سے
(حزیں لدھیانوی)
۔۔۔۔۔۔۔۔۔۔۔۔۔
طلوع ہوگیا سورج‘ یقیں نہیں آتا
اندھیرا آنکھ کے اندر دکھائی دیتا ہے

 

عزت پہ اہلِ نام کی ہستی کی ہے بنا
عزت جہاں گئی تو نہ ہستی رہے نہ نام
غالب

 

غم رہا جب تک کہ دَم میں دم رہا
دل کے جانے کا نہایت غم رہا
(میر تقی میر)

 

فسانہ کہہ رہے ہیں آج، وہ اپنی محبّت کا
خُدا ایسا کرے، میرا کہیں پر نام آجائے

 

قلزم عشق میں تنکے کا سہارا بھی نہ ڈھونڈھ
آسرا وہ نہیں لیتے جو خدا رکھتے ہیں
(آتش)

 

کر بلبل و طاوس کی تقلید سے توبہ
بلبل فقط آواز ہے، طاوس فقط رنگ
اقبال

 

لازم نہیں کہ خضر کی ہم پیروی کریں
مانا کہ اک بزرگ ہمیں ہمسفر ملے
(غالب)

 

نہ یہ شیشہ، نہ یہ ساغر، نہ یہ پیمانہ بنے
جانِ میخانہ، تری نرگسِ مستانہ بنے
اصغر گونڈوی

 

ہوا بھی چل رہی ہے اور جاگتی ہے رات بھی
کوئی اگر کہے تو ہم سنائیں دل کی بات بھی
(ناصر کاظمی)

​

 

اس زندگی کے مجھ پہ کئی قرض ہیں مگر
میں جلد لوٹ آؤں گا افسوس مت کرو
(بشیر بدر)

​