اشعار بہ لحاظ حروف تہجی

ڈھونڈنے نکلے ہیں تجھ کو ماوراء آب و گل
عمر گزری یم بہ یم ، صحرا بہ صحرا دیکھتے

 

رہا کیا ہے دل ویراں میں اک ارمان خالی ہے
جدھر آنکھیں اٹھاؤ منزلوں میدان خالی ہے
شاد عظیم آبادی

​

 

ذکر اُس غیرتِ مریم کا جب آتا ہے فراز
گھنٹیاں بجتی ہیں لفظوں کے کلیساؤں میں

 

بھائی ڈ کے بعد "ر" کیسے آگئی۔۔؟؟؟

 

زیست آسان بھی ہوسکتی تھی لیکن ہم نے۔۔۔
تیری چاہت کو ہر بات سے بڑھ کر چاہا

 

سجا سکتے تھے یادوں کے کئی چہرے،کئی پیکر
مگر کچھ سوچ کر ہم نے یہ گھر ویران رکھا ہے

 

شاید تیرے لبوں کی چٹک سے ہو جی بحال
اے دوست مسکرا کہ طبیعت اداس ہے

 

ہا ہا ہا ہا ۔۔۔۔۔ ہماری لغت میں تو ’’ڈ‘‘ کے بعد ’’ر‘‘ ہی آتا ہے۔۔۔۔۔۔۔ پتہ نہیں آپ کون سی لغت استعمال کرتی ہیں۔۔۔۔۔۔

 

صداقت ہو تو دل سینے سے کھینچنے لگتے ہیں واعظ
حقیقت خود کو منوالیتی ہے، مانی نہیں جاتی

 

ضروری تو نہیں کہہ دوں لبوں سے داستاں اپنی
زباں اک اور بھی ہوتی ہے اظہار تمنا کی

 

طریقے ظلم کے صیاد نے سارے بدل ڈالے
جو طائر اُڑ نہیں سکتا اسے آزاد کرتا ہے

 

ظالم ہو میری جان پہ ناآشنا نہ ہو
بے رحمی اتنی عیب نہیں بے وفا نہ ہو

 

علاجِ چاکِ پیراہن ہوا تو اس طرح ہوگا
سیا جائے گا کانٹوں سے گریباں ،ہم نہ کہتے تھے

 

غضب کا خوف ہے تنہائیوں میں
اب اپنے آپ سے ڈرنے لگی ہُوں

 

قفس میں ذکرِ نشیمن گناہِ بے لذّت
نہ ہم زباں، نہ کوئی ہم خیال ہوتا ہے

 

کِھلے ہیں ایسے ہری شاخ پر رتوں کے گلاب
سجی ہوں چہرے پہ جیسے لہو سے تر آنکھیں

 

گر نہ ٹھکرائے وہ تو پھر ا ے داغ
کون خواب عدم سے اُٹھتا ہے

 

لازم ہے مرض میں تمھیں ہم لے کے نہ جائیں
آزار رسان ہوتی ہیں جنگل کی ہوائیں

 

مدت ہوئی ہے یار کو مہماں کیے ہوئے
جوش قدح سے بزم چراغاں کیے ہوئے

 

نہیں ہوتا نسب محبت میں
کیا عجم ، کیا عرب محبت میں

 

ہم نے حسرتوں کے داغ آنسوئوں سے دھو لئے
آپ کی خوشی حضور بولئے نہ بولئے

 

یہ روشنی بھی عطا ہے تری محبت کی
جو میری رُوح کے منظر مجھے دکھاتی ہے
امجد اسلام امجد

 

ابھی تو چاک پہ جاری ہے رقص مٹی کا
ابھی کمہار کی نیت بدل بھی سکتی ہے

 

پڑے تھے پاؤں میں چھالے ہزارہا لیکن
تمہاری راہ میں آنکھیں بچھا بچھا کے چلے
(وحیدہ نسیم)

​

 

تاریکی کے ہاتھ پہ بیعت کرنے والوں کا
سُورج کی بس ایک کِرن سے گھُٹ جاتا ہے دَم