اردو میں اردو شاعری

پکار اٹھتا وہ آکر دلوں کی دھڑکن میں
ہم اپنے سینوں میں گر اس کی جستجو کرتے

 

میٹھی باتیں نہ تو کیا کر
مرجائے گا کوئی زہر کھا کر
بحر (امداد علی)

 

کھلتے ہیں ہر اک شاخ پر مُرجھائے ہوئے پھول
کیا زہر گُھلا ہے نفسِ بادِ صبا میں
رئیس ‌امروہوی

 

عجیب شخص ہے ناراض ہو کے ہنستا ہے
میں چاہتا ہوں خفا ہو تو وہ خفا ہی لگے

 

آ کہ مری جان کو قرار نہیں ہے
طاقت بیداد انتظار نہیں ہے

دیتے ہیں جنت حیات دہر کے بدلے
نشہ بہ اندازۂ خمار نہیں ہے

گریہ نکالے ہے تیری بزم سے مجھ کو
ہاے کہ رونے پہ اختیار نہیں ہے

ہم سے عبث ہے گمان رنجش خاطر
خاک میں عشاق کی غبار نہیں ہے

دل سے اٹھا لطف جلوہ ہائے معانی
غیر گل آئینۂ بہار نہیں ہے

قتل کا میرے کیا ہے عہد تو بارے
واے اگر عہد استوار نہیں ہے

تو نے قسم مےکشی کی کھائی ہے غالبؔ
تیری قسم کا کچھ اعتبار نہیں ہے

 

ذرا خواب غفلت سے چونک اے نظیر
دعا مانگ جلد اور کہہ اے خبیر
نظیر

 

گل شرم سے بہہ جائے گا گلشن میں ہو کر آب سا
برقع سے گر نکلا کہیں چہرہ تیرا مہتاب سا

 

بہار غم میں دل بیقرار بھکرے ہیں
چمن میں درد کے بے اختیار بھکرے ہیں
سراج

 

شب درد و غم سے عرصہ میرے جی پہ تنگ تھا
آیا شب فراق تھی یا روزِ جنگ تھا
میر

 

مجھے رونا نہیں آواز بھی بھاری نہیں کرنی
محبت کی کہانی میں اداکاری نہیں کرنی

 

اشعار کی تحریر میں تھوڑا سا تسلسل
بن جائے تو اک دھن کی طرح خوب بجے گی
غزلوں پہ غزل لکھ دیا کرنا نہیں اچھا
دوچار لکیروں کی حنا خوب سجے گی


فیصل عظیم فیصل

 

اردو ہے میرا نام، میں خُسروؔ کی پہیلی
میں میرؔ کی ہم راز ہوں غالبؔ کی سہیلی
دکنؔ کے ولی نے مجھے گودی میں کھلایا
سودؔا کے قصیدوں نے میرا حُسن بڑھایا
ہے میرؔ کی عظمت کہ مجھے چلنا سِکھایا
میں داغؔ کے آنگن میں کِھلی بن کے چنبیلی
اردو ہے میرا نام، میں خُسروؔ کی پہیلی
غالبؔ نے بلندی کا سفر مجھ کو سِکھایا
حالیؔ نے مُروت کا سبق یاد دِلایا
اقبالؔ نے آئینہ حق مجھ کو دِکھایا
مومنؔ نے سجائی میرے خوابوں کی حویلی
اردو ہے میرا نام، میں خُسرو کی پہیلی
ہے ذوقؔ کی عظمت کہ دیے مجھ کو سہارے
چقبستؔ کی اُلفت نے میرے خواب سنوارے
فانیؔ نے سجائے میری پلکوں پہ ستارے
اکبرؔ نے رچائی میری بے رنگ ہتھیلی
اردو ہے میرا نام، میں خُسرو کی پہیلی
کیوں مجھ کو بناتے ہو تعصب کا نشانہ
میں نے تو کبھی خود کو مسلماں نہیں مانا
دیکھا تھا کبھی میں نے بھی خوشیوں کا زمانہ
اپنے ہی وطن میں ہوں مگر آج اکیلی
اردو ہے میرا نام، میں خُسرو کی پہیلی

 

قرار دل کو سدا جس کے نام سے آیا
وہ آیا بھی تو کسی اور کام سے آیا

 

چہرے پہ میرے زلف کو پھیلاؤ کسی دن
کیا روز گرجتے ہو برس جاؤ کسی دن

 

بس اک قدم غلط اٹھا تھا راہِ شوق میں
منزل تمام عمر ہمیں ڈھونڈتی رہی

 

ہم سے کہیں کچھ دوست ہمارے مَت لِکھّو
جان اگر پیاری ہے پیارے مت لکھو

حاکم کی تلوار مقدّس ہوتی ہے
حاکم کی تلوار کے بارے مت لکھو

کہتے ہیں یہ دار و رسن کا موسم ہے
جو بھی جس کی گردن مارے، مت لکھو

لوگ الہام کو بھی الحاد سمجھتے ہیں
جو دل پر وجدان اتارے مت لکھو

وہ لکھو بس جو بھی امیرِ شہر کہے
جو کہتے ہیں درد کے مارے مت لکھو

خُود مُنصف پا بستہ ہیں لب بستہ ہیں
کون کہاں اب عرض گزارے مت لکھو

کچھ اعزاز رسیدہ ہم سے کہتے ہیں
اپنی بیاض میں نام ہمارے مت لکھو

دل کہتا ہے کُھل کر سچی بات کہو
اور لفظوں کے بیچ ستارے مت لکھو



(احمد فراز ۔ مجموعہ "بے آواز گلی کُوچوں میں")

 

کیوں تو اچھا لگتا ہے، وقت ملا تو سوچیں گے
تجھ میں کیا کیا دیکھا ہے، وقت ملا تو سوچیں گے

سارا شہر شناسائی کا دعویدار تو ہے لیکن
کون ہمارا اپنا ہے، وقت ملا تو سوچیں گے

اور ہم نے اس کو لکھا تھا، کچھ ملنے کی تدبیر کرو
اس نے لکھ کر بھیجا ہے، وقت ملا تو سوچیں گے

موسم، خوشبو، باد صبا، چاند، شفق اور تاروں میں
کون تمہارے جیسا ہے، وقت ملا تو سوچیں گے

یا تو اپنے دل کی مانو یا پھر دنیا والوں کی
مشورہ اس کا اچھا ہے، وقت ملا تو سوچیں گے

 

پھر اندھیرے میں نہ کھو جائے کہیں اس کی صدا
دل کے آنگن میں نئی شمع جلانی ہوگی - - -

 

میں نے پوچھا پہلا پتھر مجھ پر کون اٹھائے گا
آئی ایک آواز کہ تو جس کا محسن کہلائے گا

 

غیروں کو کیا پڑی ہے کہ رسوا کریں مجھے

ان سازشوں میں ہاتھ کسی آشنا کا ہے

 

بات چلی تو نیل گگن سے تارے توڑے لوگوں نے

وقت پڑا تو جان چھڑا لی جان سے پیارے لوگوں نے ۔۔

 

جب بھی یہ دل اداس ہوتا ہے
جانے کون آس پاس ہوتا ہے

 

نہیں معلوم کتنے ہفتے__کتنے اتوار گزرے ہیں
تیرے ہجر کے مجھ پہ__کئی ادوار گزرے ہیں
ناسخ"اب اگر پوچھیں گےتو _میں کہہ دوں گی
جیسے بھی گزرے ہیں _بہت دشوار گزرے ہیں

 

ایک سلسلہ ہوس کا ہے انساں کی زندگی
اس ایک مشت خاک کو غم دو جہاں کے ہیں

 

‏عکس عکس
گماں گماں
خیال سارے مسترد
تو نہیں تو کچھ نہیں
سارے سہارے مسترد

 

ہے کچھ ایسی ہی بات جو چپ ہوں
ورنہ کیا بات کر نہیں آتی

 

کتنے کنگال ہو گئے ہیں ہم
آنکھ میں خواب تک نہیں باقی

 

کتنا سادہ سوال تھا اس کا
وہ محبت کہاں گئی اپنی

 

آنکھیں روشن، لہجے رس کے پیالے جی
یہ ہیں لوگ محبت کرنے والے جی