اردو میں اردو شاعری

کررہا تھا غم جہاں کا حساب
آج تم یاد بے حساب آئے

 

دل دھڑکنے کا سبب یاد آیا
وہ تیری یاد تھی اب یاد

 

غیروں سے کہا تم نے غیروں سے سنا تم نے
کچھ ہم سے کہا ہوتا کچھ ہم سے سنا ہوتا

 

غم ہے میرے شعر سے اس چشمِ سنگ آلود میں
خواب ہوں‘ اس چشمِ تر میں پھیلتا جاتا ہوں میں

 

عمردراز مانگ کر لائے تھے چار دن
دو آرزو میں کٹ گئے دو انتظار میں

 

آتی ہے چاہتوں کی کہانی پہ اب ہنسی
تم سے بچھڑ کے سوچ کے رخ بھی بدل گئے

 

نہ اب وہ یادوں کا چڑھتا دریا نہ فرصتوں کی اداس برکھا
یوں ہی ذرا سی کسک ہے دل میں جو زخم گہرا تھا بھر گیا وہ

 

اُس کو اہلِ ہوس نہ سمجھیں گے!
لُطف جو فاصلے کی چاہ میں ہے

 

کبھی کبھی عرض غم کی خاطر ہم ایک بہانا بھی چاہتے ہیں
جب آنسوؤں سے بھری ہوں آنکھیں تو مسکرانا بھی چاہتے ہیں

 

غلط تھا آپ سے غافل گزرنا!
نہ سمجھے ہم کہ اس قالب میں تُو تھا

 

ابھی تو ساتھ چلنا ہے سمندر کے کنارے تک
کنارے پر ہی دیکھیں گے کنارہ کون کرتا ہے

 

ضبط کرتا نہیں کنارہ ہنوز
ہے گریبان پارہ پارہ ہنوز

 

جب روح میں اتر جاتا ہیں بے پناہ عشق کا سمندر
لوگ زندہ تو رہتے ہیں مگر کسی اور کے اندر

 

سوائے سنگِ ملامت نہ کچھ بھی ہاتھ آیا
گئے تھے ہم بھی سمندر کھنگالنے کے لیے

 

وہ حادثے بھی دہر میں ہم پر گزر گئے
جینے کی آرزو میں کئی بار مر گئے

 

انہیں پتھروں پہ چل کر اگر آ سکو تو آؤ
میرے گھر کے راستے میں کوئی کہکشاں نہیں ہے

 

یہ کہہ کے جو رویا تو لگا کہنے نہ کہہ میر
سُنتا نہیں میں ظلم رسیدوں کی کہانی

 

عمر بھر چل کے بھی پائی نہیں منزل ہم نے
کچھ سمجھ میں نہیں آتا یہ سفر کیسا ہے

 

مجھے شادابئِ صحنِ چمن سے خوف آتا ہے
یہی انداز تھے جب لٹ گئی تھی زندگی اپنی

 

بلا رہا ہے زمانہ مگر ترستا ہوں
کوئی پکارے مجھے بے سبب تمہاری طرح

 

بھلا ہم اور کیا تکلیف دہ اے جان جاں ہوتے
کچھ اپنا حال دل کہتے اگر تم مہرباں ہوتے

 

اب کون منتظر ہے ہمارے لیے وہاں
شام آ گئی ہے لوٹ کے گھر جائیں ہم تو کیا

 

آپ کی تلخ نوائی کی ضرورت ہی نہیں
میں تو ہر وقت ہی مایوسِ کرم رہتا ہوں
آپ سے مجھ کو ہے اک نسبتِ احساسِ لطیف
لوگ کہتے ہیں ، مگر میں تو نہیں کہتا ہوں

 

یہ انتظار نہیں شمع ہے رفاقت کی
اس انتظار سے تنہائی خوبصورت ہے

 

آج ساحل پہ پہنچ کر ہی رہے گی کشتی
آج ٹکر ہے میرے عزم سے طوفانوں کی

 

میں نے گھاٹے کا بھی ایک سودا کیا
جس سے جو وعدہ کیا ، پورا کیا

 

ہم نے اک دوسرے کے عکس کو جب قتل کیا
آئینہ دیکھ رہا تھا ہمیں حیرانی سے

 

آنکھوں میں رہا دل میں اتر کر نہیں دیکھا
کشتی کے مسافر نے سمندر نہیں دیکھا