اشعار بہ لحاظ حروف تہجی

پیڑوں کی طرح حُسن کی بارش میں نہالُوں
بادل کی طرح جھوم کے گِھر آؤ کسی دن
(امجد اسلام امجد)

​

 

ثبات بحرِ جہاں میں اپنا فقط مثالِ حباب دیکھا
نہ جوش دیکھا ، نہ شور دیکھا ، نہ موج دیکھی ، نہ آب دیکھا
داغ

 

جُھلستی ریت میں اُگنے لگے ہیں پُھول ہی پُھول
کرم جو مُجھ پہ کیا بے شمار تُونے کیا
(امجد اسلام امجد)

​

 

چپ رہ نہ سکا حضرت یزداں میں بھی اقبال
کرتا کوئی اس بندہ گستاخ کا منہ بند
اقبال

 

ڈال دے گا سینہ غیرت سپر میدان میں
تیح ابرو ہی نظر آئے گی ہر سو آختہ

 

ذکر اس پری وش کا، اور پھر بیاں اپنا
بن گیا رقیب آخر، تھا جو رازداں اپنا
غالب

 

رندھے عشق میں کوئی یوں کب تلک
جگر آہ منہ تک تو آنے لگا
(میر تقی میر)

 

زلف برہم ہے دل آشفتہ صبا آوارہ
خواب ہستی سا نہیں خواب پریشاں کوئی
چراغ حسن حسرت

 

ساحل پہ ایک خوف کھلے پانیوں کا تھا
اُس میں اتر گئے تو سمندر میں کچھ نہ تھا
صفی حسن

 

شراب درد سے دل ہو گیا ہے مست ایسا
کہ شام روز جزا تک نہ جس کا اترے خمار
(ذوق)

​

 

صدمہ تو ہے مجھے بھی کہ تجھ سے جدا ہوں میں
لیکن یہ سوچتا ہوں کہ اب تیرا کیا ہوں میں

قتیل شفائی

 

ضبط سے رازِ محبت کا چھپانا تھا محال
شوق گر پنہاں ہوا غم آشکارا ہو گیا
حسرت موہانی

 

طلوع ہوگا ابھی کوئی آفتاب ضرور
دُھواں اُٹھا ہے سرِ شام پھر چراغوں سے

 

ظاہر ہے کہ گھبرا کے نہ بھاگیں گے نکیرین
ہاں منہ سے مگر بادۂ دوشینہ کی بو آئے
جلاّد سے ڈرتے ہیں نہ واعظ سے جھگڑتے
ہم سمجھے ہوئے ہیں اسے جس بھیس میں جو آئے
غالب

 

عشق میں کیا دخل ہے نازک مزاجی کے تئیں
کوہ کن کے طور سے جی توڑ کر محنت کرو
(میر تقی میر)

​

 

غزل میں جس کی ہمیشہ چراغ جلتے ہیں
اسے کہیں سے بلاؤ ، بڑا اندھیرا ہے
ساغر صدیقی

 

فرض کرو ہم اہلِ وفا ہوں، فرض کرو دیوانے ہوں
فرض کرو یہ دونوں باتیں جھوٹی ہوں افسانے ہوں
ابن انشا

 

قسمت کی اُلجھنوں کو عدم کس گُریز سے
اس گیسوئے دراز کا بَل کہہ گیا ہوں میں

 

کم فہم ہیں تو کم ہیں پریشانیوں میں ہم
دانائیوں سے اچھے ہیں نادانیوں میں ہم

 

لے دے کے اب یہی ہے نشانِ ضیا قتیل
جب دِل جلے تو اُس کو دیا کہہ لیا کرو

 

مرے لبوں پہ کوئی بوند ٹپکی آنسو کی
یہ قطرہ کافی تھا جلتے ہوئے مکاں کے لیے
(بشیر بدر)

​

 

نہ پوچھو، مجھ پہ کیا گزری ہے میری مشقِ حسرت سے
قفس کے سامنے رکھّا رہا ہے آشیاں برسوں
اصغر گونڈوی

 

وہ جو گیت تم نے سُنا نہیں مری عمر بھر کا ریاض تھا
مرے درد کی تھی وہ داستاں جسے تم ہنسی میں اُڑا گئے
(امجد اسلام امجد)

​