اشعار بہ لحاظ حروف تہجی

تو کیا یہ طے ہے کہ اب عمر بھر نہیں ملنا
تو پھر یہ عمر ہی کیوں تم سے گر نہیں ملنا

 

ٹک میر جگر سوختہ کی جلد خبر لے
کیا یار بھروسہ ہے چراغ سحری کا

 

ثابت ہوا فشارِ لحد سےیہ اے زمین
تو بھی انہیں دباتی ہے،جن میں کہ دم نہیں

 

جب بھی آتا ہے تیرا نام میرے نام کے ساتھ
جانے کیوں لوگ میرے نام سے جل جاتے ہیں

 

چلے تو کٹ ہی جائے گا سفر آہستہ آہستہ
ہم اُن کے پاس جاتے ہیں مگر آہِستہ آہستہ
ابھی تاروں سے کھیلو، چاند کی کرنوں سے اٹھلاؤ
ملے گی اُس کے چہرے کی سحر آہستہ آہستہ

 

حیرت ہے عارفوں کو نہیں راہ معرفت
حال اور کچھ ہے یاں اُنھوں کے حال و قال کا

 

خمار آلودہ نظروں کی ہر اک جنبش،اک افسانہ
الٰہی! ہم انہیں دیکھیں کہ ان کا دیکھنا دیکھیں

 

درود احمد مرسل کی یہ فضیلت ہے
کہ لا شریک بھی اس میں شریک ہوتا ہے

 

سبحان اللہ

 

ڈھونڈو گے اگر ملکوں ملکوں ملنے کے نہیں نایاب ہیں ہم
تعبیر ہے جس کی حسرت و غم ، اے ہم نفسو وہ خواب ہیں ہم

 

ذکر نے تیرے کیا ایسے زرہ پوش مجھے
غم دنیا سے بھی کر ڈالا سبکدوش مجھے
واصف حسین

 

زندگی کی راہوں میں رنج و غم کے میلے ہیں
بھیڑ ہے قیامت کی اور ہم اکیلے ہیں

 

رات یوں دل میں تیری کھوئی ہوئی یاد آئی
جیسے ویرانے میں چپکے سے بہار آ جائے
جیسے صحراوں میں چپکے سے چلے باد نسیم
جیسے بیمار کو بے وجہ قرار آ جائے

 

شبِ فراق کی یارو کوئی سحر بھی ہے؟
ہمارے حال کی ان کو کوئی خبر بھی ہے؟

 

صبر تھا ایک مونس ہجراں
سو وہ مدت سے اب نہیں آتا

 

ضبط لازم ہے مگر دُکھ ہے قیامت کا فرازؔ
ظالم اب کے بھی نہ روئے گا تو مر جائے گا

 

طائر و طاوس و حیواں اژدھے
سب کھپے، کیا عشق کی کوئی کہے

 

ظلم چپ چاپ سہے جاؤ گے آخر کب تک
اے اسیرانِ قفس ، منہ میں زباں ہے کہ نہیں؟

 

عین ممکن ہے کہ محشر میں میرے آقا کہیں
کچھ سناؤ اے میری نعت سنانے والے

 

قفس میں ہم بہت محفوظ ہوں گے
کہ پہرے پر کھڑا صیاد ہو گا

 

گاہے گاہے اسے پڑھا کیجیئے
دل سے بہتر کوئی کتاب نہیں