اشعار بہ لحاظ حروف تہجی ( نئی لڑی )

بیاں درد محبت جو ہو تو کیوں کر ہو
زباں نہ دل کے لیۓ ہے نہ دل زباں کے لیۓ

ذوق

 

ﺗﻮ ﻧﮯ ﮐﮩﺎ ﻧﮧ ﺗﮭﺎ ﻣﯿﮟ ﮐﺸﺘﯽ ﭘﮧ ﺑﻮﺟﮫ ﮨﻮﮞ
ﺁﻧﮑﮭﻮﮞ ﮐﻮ ﺍﺏ ﻧﮧ ﮈﮬﺎﻧﭗ ﻣﺠﮭﮯ ﮈﻭﺑﺘﮯ ﺑﮭﯽ ﺩﯾﮑﮫ

شکیب جلالی

 

جام مۓ توبہ شکن توبہ میری جام شکن
سامنے ڈھیر ہے ٹوٹے ہوۓ پیمانوں کا

ریاز خیرآبادی

 

چھوڑو عہدِ وفا کی باتیں، کیوں جھوٹے اقرار کریں
کل میں بھی شرمندہ ہوں گا ، کل تم بھی پچھتائو گے
​

 

خوشی سے اپنا گھر آباد کرکے
بہت روئیں گے تم کو یاد کرکے

 

دیکھا جو تیر کھا کے کمیں گاہ کی طرف
اپنے ہی دوستوں سے ملاقات ہو گئی..



حفیظ جالندھری

 

ڈوب جاتا ہے دمکتا ہوا سورج لیکن
مہندیاں شام کے ہاتھوں میں رچا دیتا ہے

 

ذہن اس خوف سے ہونے لگے بنجر کہ یہاں
اچھی تخلیق پر کٹ جاتے ہیں معمار کے ہاتھ

 

ریت پر بیٹھ کر بہتے ہوئے اشکوں سے
تم بھی لکھو گے میرا نام، مگر میرے بعد

 

زندگی پاوں نہ دھر جانب انجام ابھی
میرے ذمے ہیں ادھورے سے کئی کام ابھی

 

سرِ محفل جو بولوں تو زمانے کو کھٹکتا ہوں
رہوں میں چُپ تو اندر کی بغاوت مار دیتی ہے

 

شور سا ایک ہر ایک سمت بپا لگتا ہے
وہ خاموشی ہے کہ لمحہ بھی صدا لگتا ہے

 

صدا ہمارے تعاقب میں ایک آئی تھی
انا کی بات تھی ورنہ پلٹ گئے ہوتے

 

ضرورت ڈھل گئی رشتے میں ورنہ
یہاں کوئی کسی کا اپنا کب ہے

 

طے ہو چکے سب آبلہ پائی کے مرحلے
اب یہ زمیں گلابو ں سے ڈھک جانا چاہیے

 

ظلمتوں سے نہ ڈر کے رستے میں
روشنی ہے شراب خانے کی

 

تیرے ہر زخم کا نشان ہے میرے دل پر
تو نے جی بھر کے ہم کو ہنسایا ہے شاہد

 

عجیب شخص تھا لوٹا گیا میرا سب کچھ
معاوضہ نہ لیا دیکھ بھال کرنے کا

 

غم کی دنیا رہے آباد شکیل
مفلسی میں کوئی جاگیر تو ہے

 

فطرت کے بر خلاف جا کے دیکھ آئے ہم
اپنی سوچ سے ہٹ کر کچھ کام کر آئے ہم

 

قرب بدن سے کم نہ ہوئے دل کے فاصلے
ایک عمر کٹ گئی کسی نا آشنا کے ساتھ

 

کوئی یہ کیسے بتائے کہ وہ تنہا کیوں ہے
وہ جو اپنا تھا وہی اور کسی کا کیوں ہے
یہی دُنیا ہے تو پِھر ایسی یہ دُنیا کیوں ہے
یہی ہوتا ہے، تو آخر یہی ہوتا کیوں ہے

کیفیؔ اعظمی​

 

گراں جانی سبک ساز و تماشا بے دماغ آیا
کف افسوس فرصت سنگ کوہ طور ملتے ہیں

 

لازم تھا گزرنا زندگی سے
بن زہر پئے گزارا کب تھا

 

میں کوئی حال ستم منہ سے کہوں یا نہ کہوں
اے ستم گر تیرے انداز کہے دیتے ہیں

 

نگاہ تُو نے جُھکا لی تو چُپ رہا، ورنہ
ابھی تو کرنے تھے تُجھ سے کئی سوال مُجھے
وہ آندھی آئی، وہ اِک نیند کا کِواڑ گِرا
یہ کیسے خواب میں آنے لگے خیال مُجھے​