ﻧﺒﻮﺕ ﮐﺎ ﭼﻤﻦ ﮨﮯ ﯾﮧ ﮔﻠﺴﺘﺎﻥ ﺭﺳﺎﻟﺖ ﮨﮯ

ﻧﺒﻮﺕ ﮐﺎ ﭼﻤﻦ ﮨﮯ ﯾﮧ ﮔﻠﺴﺘﺎﻥ ﺭﺳﺎﻟﺖ ﮨﮯ
ﺧﺰﺍﮞ ﮨﻮ ﯾﺎ ﮐﻮﺋﯽ ﻃﻮﻓﺎﮞ ﺍﺳﮯ ﺭﺏ ﮐﯽ ﺣﻔﺎﻇﺖ ﮨﮯ
ﺍﮮ ﻟﻮﮔﻮ ﮨﻮ ﺍﮔﺮ ﺳﯿﻨﮯ ﻣﯿﮟ ﺩﻝ ﺑﮯ ﺑﺎﮐﯿﻮﮞ ﻭﺍﻻ
ﺳﻨﺎﺗﺎ ﮨﻮﮞ ﺗﻤﮩﯿﮟ ﻗﺼﮧ ﺑﮩﺖ ﻏﻤﻨﺎﮐﯿﻮﮞ ﻭﺍﻻ
ﺯﻣﯿﻦِ ﺩﺭﺩ ﭘﺮ ﺟﺐ ﭼﮭﺎ ﺭﮨﺎ ﺗﮭﺎ ﺁﺳﻤﺎﻥ ِ ﻏﻢ
ﯾﮧ ﺍﻣﯽ ﻋﺎﺋﺸﮧ ﭘﺮ ﻇﻠﻢ ﮐﯽ ﮨﮯ ﺩﺍﺳﺘﺎﻥِ ﻏﻢ
ﻧﺒﯽ ﷺﮐﯽ ﭘﯿﺎﺭﯼ ﺯﻭﺟﮧ ﮐﺎ ﮨﻮﺍ ﻧﮉﮬﺎﻝ ﮐﺎﻧﺪﮬﺎ ﺗﮭﺎ
ﻣﻨﺎﻓﻖ ﺑﻦ ﺍﺑﯽ ﻧﮯ ﺍﻥ ﭘﮧ ﺍﯾﮏ ﺑﮩﺘﺎﻥ ﺑﺎﻧﺪﮬﺎ ﺗﮭﺎ
ﯾﮧ ﺷﻌﺒﺎﻥ ﺍﻟﻤﻌﻈﻢ ﭘﺎﻧﭻ ﮨﺠﺮﯼ ﮐﺎ ﺯﻣﺎﻧﮧ ﺗﮭﺎ
ﻗﺮﯾﺐِ ﻧﺠﺪ ﻟﮍﻧﮯ ﮐﮯ ﻟﯿﮯ ﻟﻮﮔﻮﮞ ﻧﮯ ﺟﺎﻧﺎ ﺗﮭﺎ
ﻣﻨﺎﻓﻖ ﺟﺎﻧﺘﮯ ﺗﮭﮯ ﺍﺱ ﺟﮕﮧ ﭘﺮ ﺟﻨﮓ ﻧﮧ ﮨﻮ ﮔﯽ
ﺍﻣﻦ ﻭﺍﻟﯽ ﺟﮕﮧ ﮨﮯ ﮨﻢ ﭘﮧ ﺑﺎﻟﮑﻞ ﺗﻨﮓ ﻧﮧ ﮨﻮﮔﯽ
ﻟﮍﺍﺋﯽ ﺳﮯ ﯾﮧ ﮔﮭﺒﺮﺍﺗﮯ ﺗﮭﮯ ﺩﻧﯿﺎ ﺗﮭﯽ ﺍﻧﮩﯿﮟ ﻣﺮﻏﻮﺏ
ﺭﻭﺍﯾﺖ ﮨﮯ ﮐﮧ ﺍﺱ ﻏﺰﻭﮦ ﭘﺮ ﮨﯽ ﺳﮩﻤﮯ ﻣﻨﺎﻓﻖ ﺧﻮﺏ
ﻧﮑﺎﻻ ﻣﺼﻄﻔﯽ ﷺ ﻧﮯ ﻗﺮﻋﮧ ﺳﺐ ﺍﺯﻭﺍﺝ ﮐﺎ ﺟﺲ ﺩﻡ
ﺗﻮ ﺣﻀﺮﺕ ﻋﺎﺋﺸﮧ ﺍﭘﻨﮯ ﻣﺤﻤﺪ ﷺ ﮐﮯ ﮨﻮﺋﯿﮟ ﮨﻢ ﺩﻡ
ﺧﻮﺷﯽ ﺳﮯ ﺩﻝ ﻣﭽﻠﻨﮯ ﻟﮓ ﮔﯿﺎ ﺷﺎﺋﻖ ﮨﻮﺍ ﺗﻦ ﻣﻦ
ﺳﻔﺮ ﮐﮯ ﻭﺍﺳﻄﮯ ﺗﯿﺎﺭﯾﺎﮞ ﮐﺮﻧﮯ ﻟﮕﯿﮟ ﻓﻮﺭﺍ
ﺍﺩﮬﺮ ﺍﺳﻤﺎﺀ ﮐﺎ ﭘﮩﻨﺎ ﮨﺎﺭ ﺍﻭﺭ ﻣﺨﻤﻞ ﻣﯿﮟ ﺁ ﺑﯿﭩﮭﯿﮟ
ﺍﺩﮬﺮ ﺧﻮﺷﯿﺎﮞ ﮨﯽ ﺧﻮﺷﯿﺎﮞ ﻋﺎﺋﺸﮧ ﮐﮯ ﺩﻝ ﻣﯿﮟ ﺁ ﺑﯿﭩﮭﯿﮟ
ﺳﻔﺮ ﺳﮯ ﻭﺍﭘﺴﯽ ﭘﺮ ﻗﺎﻓﻠﮧ ﺭﺍﺕ ﺍﮎ ﺟﮕﮧ ﭨﮭﮩﺮﺍ
ﺍﺳﯽ ﺧﺎﻣﻮﺵ ﻣﻨﻈﺮ ﻣﯿﮟ ﭼﮭﭙﺎ ﺗﮭﺎ ﺍﮎ ﺍﺛﺮ ﮔﮩﺮﺍ
ﮔﺌﯽ ﺗﮭﯿﮟ ﻋﺎﺋﺸﮧ ﺟﺐ ﺭﻓﻊ ﺣﺎﺟﺖ ﮐﻮ ﻣﮕﺮ ﺁ ﮐﺮ
ﭘﺮﯾﺸﺎﮞ ﮨﻮ ﮔﺌﯿﮟ ﺍﭘﻨﮯ ﮔﻠﮯ ﻣﯿﮟ ﮨﺎﺭ ﻧﮧ ﭘﺎ ﮐﺮ
ﺍﺩﮬﺮ ﯾﮧ ﺟﺴﺘﺠﻮ ﺋﮯ ﮨﺎﺭ ﻣﯿﮟ ﺗﮭﯿﮟ ﺭﻧﺞ ﮐﮯ ﻣﺎﺭﮮ
ﺍﺩﮬﺮ ﻭﮦ ﻗﺎﻓﻠﮯ ﻭﺍﻟﮯ ﺭﻭﺍﻧﮧ ﮨﻮﮔﺌﮯ ﺳﺎﺭﮮ
ﺗﻼﺵِ ﮨﺎﺭ ﻣﯿﮟ ﺻﺪﯾﻘﮧ ﻧﮯ ﻭﮦ ﮨﺎﺭ ﺗﻮ ﭘﺎﯾﺎ
ﻣﮕﺮ ﺟﺐ ﻭﺍﭘﺲ ﺁﺋﯿﮟ ﺗﻮ ﻭﮨﺎﮞ ﺳﻨﺎﭨﺎ ﺗﮭﺎ ﭼﮭﺎﯾﺎ
ﺧﺪﺍ ﮐﯽ ﺷﺎﻥ ﭘﯿﭽﮭﮯ ﺁ ﺭﮨﮯ ﺗﮭﮯ ﺣﻀﺮﺕِ ﺻﻔﻮﺍﮞ
ﻗﺮﯾﺐ ﺁ ﮐﺮ ﺟﻮ ﺩﯾﮑﮭﺎ ﻋﺎﺋﺸﮧ ﮐﻮ ﮨﻮ ﮔﺌﮯ ﺣﯿﺮﺍﮞ
ﯾﮧ ﺑﯿﭩﮭﯿﮟ ﺍﻭﻧﭧ ﭘﺮ ﺍﻥ ﮐﮯ ﻭﮦ ﭘﯿﺪﻝ ﭼﻞ ﭘﮍﮮ ﻟﮯ ﮐﺮ
ﺗﮭﮯ ﺩﻝ ﺑﮭﯽ ﺻﺎﻑ ﺍﻭﺭ ﭘﺎﮐﯿﺰﮔﯽ ﮐﮯ ﺩﻭﻧﻮﮞ ﺗﮭﮯﭘﯿﮑﺮ
ﺑﮩﺖ ﮨﯽ ﺟﻠﺪ ﺍﭘﻨﮯ ﻗﺎﻓﻠﮯ ﺳﮯ ﺟﺎ ﻣﻠﮯ ﺩﻭﻧﻮﮞ
ﻣﻨﺎﻓﻖ ﺑﻦ ﺍﺑﯽ ﮐﻮ ﯾﮧ ﮐﮭﭩﮑﻨﮯ ﻟﮓ ﮔﺌﮯ ﺩﻭﻧﻮﮞ
ﮐﯿﺎ ﻧﮧ ﺗﮭﺎ ﯾﮧ ﻭﺣﺸﺖ ﻧﺎﮎ ﻧﻈﺎﺭﮦ ﻣﺪﯾﻨﮯ ﻧﮯ
ﺩﯾﺎ ﺍﻟﺰﺍﻡ ﺍﻣﺎﮞ ﻋﺎﺋﺸﮧ ﮐﻮ ﺍﺱ ﮐﻤﯿﻨﮯ ﻧﮯ
ﻣﻨﺎﻓﻖ ﺳﺐ ﻣﺪﯾﻨﮯ ﻣﯿﮟ ﯾﮧ ﭘﮭﯿﻼﻧﮯ ﻟﮕﮯ ﻗﺼﮧ
ﺟﻮ ﺟﺘﻨﺎ ﺗﮭﺎ ﺑﺮﺍ ﺍﺗﻨﺎ ﮨﯽ ﻟﯿﻨﮯ ﻟﮓ ﮔﯿﺎ ﺣﺼﮧ
ﺍﺑﮭﯽ ﺗﮏ ﭘﺎﮎ ﺻﺪﯾﻘﮧ ﮐﻮ ﮐﭽﮫ ﻣﻌﻠﻮﻡ ﮨﯽ ﻧﮧ ﺗﮭﺎ
ﯾﮧ ﺗﻮ ﻣﻌﺼﻮﻡ ﺗﮭﯿﮟ ﭘﺮ ﺩﺷﻤﻨﻮﮞ ﮐﮯ ﺩﻝ ﻣﯿﮟ ﮐﯿﻨﮧ ﺗﮭﺎ
ﺻﺤﺎﺑﮧ ﺍﺱ ﺧﺒﺮ ﭘﺮ ﺍﻧﮕﻠﯿﺎﮞ ﮐﺎﻧﻮﮞ ﻣﯿﮟ ﺭﮐﮭﺘﮯ ﺗﮭﮯ
ﻣﻨﺎﻓﻖ ﺑﺪ ﭼﻠﻦ ﻟﯿﮑﻦ ﯾﮩﯽ ﺑﮩﺘﺎﻥ ﺑﮑﺘﮯ ﺗﮭﮯ
ﺳﻨﺎ ﺍﮎ ﺩﻥ ﯾﮧ ﻗﺼﮧ ﺍﻡِ ﻣﺴﻄﺢ ﮐﯽ ﺯﺑﺎﻧﯽ ﺟﺐ
ﺗﻮ ﻟﻮﭨﯿﮟ ﻋﺎﺋﺸﮧ ﮔﮭﺮ ﺍﻟﭩﮯ ﭘﺎﻭﮞ ﮐﺎﻡ ﺑﮭﻮﻟﯿﮟ ﺳﺐ
ﯾﻘﯿﮟ ﺍﺏ ﺑﮭﯽ ﺍﻧﮩﯿﮟ ﻧﮧ ﺗﮭﺎ ﻣﮕﺮ ﯾﮧ ﺁ ﮔﺌﯿﮟ ﻣﯿﮑﮯ
ﺳﺴﮑﺘﯽ ﻋﺎﺋﺸﮧ ﻧﮯ ﻣﺎﮞ ﮐﺎ ﺩﺍﻣﻦ ﺗﮭﺎﻡ ﻟﯿﺎ ﺁﮐﮯ
ﻣﮕﺮ ﻣﺎﮞ ﻧﮯ ﻓﻘﻂ ﺗﺴﮑﯿﻦ ﺩﯼ ﮐﭽﮫ ﺑﻮﻝ ﻧﮧ ﭘﺎﺋﯿﮟ
ﺍﭼﺎﻧﮏ ﺍﻥ ﮐﮯ ﺩﺭﻭﺍﺯﮮ ﭘﮧ ﺍﮎ ﺍﻧﺼﺎﺭﯾﮧ ﺁﺋﯿﮟ
ﺟﻮ ﺩﯾﮑﮭﺎ ﻋﺎﺋﺸﮧ ﮐﻮ ﺍﺱ ﻧﮯ ﺳﺎﺭﺍ ﻗﺼﮧ ﺩﮨﺮﺍﯾﺎ
ﯾﮧ ﺳﻦ ﮐﺮ ﭘﺎﻭﮞ ﻟﺮﺯﮮ ﻋﺎﺋﺸﮧ ﮐﮯ، ﺳﺮ ﺑﮭﯽ ﭼﮑﺮﺍﯾﺎ
ﻧﮩﯿﮟ ﻧﺎﺯﮎ ﮐﻮﺋﯽ ﺷﮯ ﻋﺰﺕ ﻭ ﻧﺎﻣﻮﺱ ﺟﯿﺴﯽ ﮨﮯ
ﯾﮧ ﭼﮑﻨﺎ ﭼﻮﺭ ﮨﻮ ﺟﺎﻧﮯ ﻣﯿﮟ ﺍﮎ ﻓﺎﻧﻮﺱ ﺟﯿﺴﯽ ﮨﮯ
ﻏﻤﻮﮞ ﺳﮯ ﺑﮭﺮ ﮔﯿﺎ ﺗﮭﺎ ﺳﯿﻨﮧ ﺩﻝ ﺑﮭﯽ ﭘﺎﺭﮦ ﭘﺎﺭﮦ ﺗﮭﺎ
ﻓﻘﻂ ﺗﻨﮩﺎﺋﯽ ﮐﺎ ﺩﺍﻣﻦ ﺗﮭﺎ ﺁﻧﺴﻮ ﮐﺎ ﺳﮩﺎﺭﺍ ﺗﮭﺎ
ﺫﮐﺮ ﮐﺮﺗﯿﮟ ﮨﯿﮟ ﺍﻣﯽ ﻋﺎﺋﺸﮧ ﯾﮧ ﺍﻟﻤﯿﮧ ﮨﻢ ﺳﮯ
ﮐﮧ ﺁﻧﮑﮭﯿﮟ ﺧﺸﮏ ﻣﯿﺮﯼ ﮨﻮ ﮔﺌﯿﮟ ﺭﻭ ﺭﻭ ﮐﮯ ﺍﺱ ﻏﻢ ﺳے
ﭘﮭﺮ ﺍﮎ ﺩﻥ ﺁ ﮔﺌﮯ ﺳﺮﮐﺎﺭ ﺩﻭ ﻋﺎﻟﻢ ﷺﻣﯿﺮﮮ ﮔﮭﺮ ﭘﺮ
ﮐﮩﺎ ﺟﺐ ﻣﺠﮫ ﮐﻮ ﺩﯾﮑﮭﺎ ﻏﻤﺰﺩﮦ ﮨﻮﮞ ﺍﭘﻨﮯ ﺑﺴﺘﺮ ﭘﺮ
ﺍﮔﺮ ﻣﺠﺮﻡ ﮨﻮ ﺗﻮﺑﮧ ﮐﺮ ﻟﻮ ﺍﻟﻠﮧ ﻣﻌﺎﻑ ﮐﺮ ﺩﮮ ﮔﺎ
ﺍﮔﺮ ﻣﺠﺮﻡ ﻧﮩﯿﮟ ﮨﻮ ﺗﻢ ﺗﻮ ﭘﮭﺮ ﻗﺮﺁﻥ ﺍﺗﺮﮮ ﮔﺎ
ﯾﮧ ﺳﻦ ﮐﺮ ﮨﻮ ﮔﯿﺎ ﺣﺎﺻﻞ ﻣﺠﮭﮯ ﺍﮎ ﺍﻃﻤﯿﻨﺎﻥِ ﺩﻝ
ﺳﮑﻮﻥ ﺳﮯ ﮨﻮ ﮔﯿﺎ ﻟﺒﺮﯾﺰ ﺍﺏ ﻣﯿﺮﺍ ﻣﮑﺎﻥِ ﺩﻝ
ﮐﮩﺎ ﻣﯿﮟ ﻧﮯ ﮐﮧ ﻣﯿﺮﺍ ﺣﺎﻝ ﮨﮯ ﯾﻌﻘﻮﺏ ﮐﮯ ﺟﯿﺴﺎ
ﻗﺮﺍﺭِ ﺩﻝ ﻣﺠﮭﮯ ﺩﯾﺘﺎ ﮨﮯ ﺍﺏ ﺻﺒﺮ ِﺟﻤﯿﻞ ﺍﯾﺴﺎ
ﺍﭼﺎﻧﮏ ﮨﻮ ﮔﺌﯽ ﭘﯿﺎﺭﮮ ﻧﺒﯽ ﭘﺮ ﮐﯿﻔﯿﺖ ﻃﺎﺭﯼ
ﺑﺮﺍﺀﺕ ﭘﺮ ﻣﯿﺮﯼ ﮨﻮﻧﮯ ﻟﮕﺎ ﺍﻋﻼﻥِ ﺭﺏ ﺟﺎﺭﯼ
ﺍﺗﺎﺭ ﺩﯾﮟ ﺭﺏ ﻧﮯ ﺩﺱ ﺁﯾﺎﺕ ﻣﯿﺮﯼ ﭘﺎﮐﺒﺎﺯﯼ ﭘﺮ
ﻏﻀﺐ ﺭﺏ ﮐﺎ ﮨﻮ ﻓﺘﯿﻦ ﮐﯽ ﺩﺷﻨﺎﻡ ﺳﺎﺯﯼ ﭘﺮ
ﺭﮨﯽ ﺻﺪﯾﻘﮧ ﭘﺎﮐﯿﺰﮦ ﮨﻮﺋﮯ ﺑﺪﻧﺎﻡ ﺳﺐ ﺍﺷﺮﺍﺭ
ﮨﻮﺍ ﺗﮭﺎ ﮨﺎﺭ ﺟﺲ ﮐﺎ ﮔﻢ ﮔﺌﮯ ﺩﺷﻤﻦ ﺍﺳﯽ ﮐﮯ ﮨﺎﺭ
ﮐﻮﺋﯽ ﺍﭘﻨﮯ ﻟﯿﮯ ﺑﮭﯽ ﻣﺎﮞ ﮐﯽ ﮔﺎﻟﯽ ﺳﮩﮧ ﻧﮩﯿﮟ ﺳﮑﺘﺎ
ﮨﻮ ﺗﮩﻤﺖ ﺍﻡ ﺍﻣﺖ ﭘﺮ ﺗﻮ ﻣﯿﮟ ﭼﭗ ﺭﮦ ﻧﮩﯿﮟ ﺳﮑﺘﺎ
ﺍﺭﮮ ﮐﭽﮫ ﺳﻮﭺ ﺗﻮ ﻟﯿﺘﮯ ﮐﮧ ﮐﺮﻧﮯ ﺟﺎ ﺭﮨﮯ ﮨﻮ ﮐﯿﺎ
ﮐﺴﯽ ﻣﻌﺼﻮﻡ ﮐﻮ ﺗﮍﭘﺎ ﮐﮯ ﺁﺧﺮ ﭘﺎ ﺭﮨﮯ ﮨﻮ ﮐﯿﺎ
ﺍﺑﮭﯽ ﺗﻮ ﮐﮭﯿﻠﻨﮯ ﮐﮯ ﺩﻥ ﺗﮭﮯ ﻭﮦ ﭼﻮﺩﮦ ﺑﺮﺱ ﮐﯽ ﺗﮭﯿﮟ
ﺷﮧِ ﻣﻌﺼﻮﻡ ﮐﮯ ﮨﻤﺮﺍﮦ ﺭﻭﺗﯿﮟ ﺍﻭﺭ ﮨﻨﺴﺘﯿﮟ ﺗﮭﯿﮟ
ﺑﻨﯿﻦِ ﻋﺎﺋﺸﮧ ﺁﻭ ، ﺑﻨﺎﺕ ﻋﺎﺋﺸﮧ ﺁﻭ
ﺟﻮ ﻧﺎﺭِ ﺩﺷﻤﻨﯽ ﻣﯿﮟ ﺟﻞ ﺭﮨﮯ ﮨﯿﮟ ﺍﻥ ﮐﻮ ﺳﻤﺠﮭﺎﻭ
ﺍﮮ ﺍﻡ ﺍﻟﻤﻮﻣﻨﯿﮟ ﮐﮯ ﺩﺷﻤﻨﻮ ﺍﺳﻼﻡ ﮐﮯ ﺍﻋﺪﺍﺀ
ﺍﺑﮭﯽ ﺍﻭﻻﺩِ ﺍﻣﺎﮞ ﻋﺎﺋﺸﮧ ﮐﯽ ﺭﻭﺡ ﮨﮯ ﺯﻧﺪﮦ
ﻧﮧ ﭼﮭﯿﮍﻭ ﺍﭘﻨﮯ ﮨﺘﮭﮑﻨﮉﻭﮞ ﺳﮯ ﺍﺏ ﺑﮭﯽ ﺑﺎﺯ ﺁ ﺟﺎﻭ
ﯾﮧ ﺑﮯ ﺗﺤﻘﯿﻖ ﮨﮯ ﺩُﺷﻨﺎﻡ ﺳﺎﺯﯼ ﺍﺱ ﺳﮯ ﮐﺘﺮﺍﻭ
ﺟﻮ ﺳﻤﺠﮭﺘﺎ ﻧﮩﯿﮟ ﺷﯿﻄﺎﮞ ﮐﯽ ﭼﺎﻟﻮﮞ ﻣﯿﮟ ﭘﮭﻨﺴﺘﺎ ﮨﮯ
ﯾﮧ ﺩﯾﮑﮭﻮ ﮐﺲ ﻗﺪﺭ ﺍﺑﻠﯿﺲ ﺑﮭﯽ ﮨﻢ ﺳﺐ ﭘﮧ ﮨﻨﺴﺘﺎ ﮨﮯ
ﮨﻤﯿﮟ ﺁﭘﺲ ﻣﯿﮟ ﻟﮍﻭﺍ ﮐﺮ ﮨﻤﺎﺭﺍ ﮐﺮ ﺩﯾﺎ ﻧﻘﺼﺎﮞ
ﺍﺳﯽ ﮐﯽ ﭼﺎﻝ ﮨﮯ ﺍﻧﺴﺎﻥ ﮐﻮ ﺗﮍﭘﺎ ﺭﮨﺎ ﺍﻧﺴﺎﮞ
ﺩﺭﻭﺩﻭﮞ ﮐﺎ ﮨﻤﺎﺭﯼ ﻃﺮﻑ ﺳﮯ ﮨﺪﯾﮧ ﻣﺤﻤﺪﷺ ﮐﻮ
ﺳﻼﻣﻮﮞ ﮐﺎ ﮨﻤﺎﺭﯼ ﻃﺮﻑ ﺳﮯ ﺗﺤﻔﮧ ﻣﺤﻤﺪﷺ ﮐﻮ
ﺻﺤﺎﺑﮧ ﭘﺮ ﺑﮭﯽ ﮨﻮ ﺍﻥ ﮐﮯ ﺧﺪﺍ ﮐﯽ ﺭﺣﻤﺘﯿﮟ ﻧﺎﺯﻝ
ﮨﻮﮞ ﭘﯿﺎﺭﯼ ﺍﻣﮩﺎﺕ ﺍﻟﻤﻮﻣﻨﯿﮟ ﭘﺮ ﺑﺮﮐﺘﯿﮟ ﻧﺎﺯﻝ
ﻣﺴﻠﻤﺎﻧﻮﮞ ﮐﯽ ﻣﺎﮞ ﻣﯿﮟ ﮨﻮﮞ ﺍﻭﺭ ﺻﺪﯾﻖ ﮐﯽ ﺑﯿﭩﯽ
ﮐﺒﮭﯽ ﺻﺪﯾﻖ ﮐﯽ ﺁﻏﻮﺵ ﻣﯿﮟ ﻟﯿﭩﯽ ﮐﺒﮭﯽ ﺑﯿﭩﮭﯽ
ﻣﯿﺮﮮ ﺳﺮﺗﺎﺝﷺﻧﮯ ﮐﻞ ﺯﻧﺪﮔﯽ ﺭﮐﮭﺎ ﺗﮭﺎ ﭘﺎﺱ ﺍﺱ ﮐﺎ
ﻣﯿﮟ ﺑﯿﭩﯽ ﺟﺲ ﮐﯽ ﮨﻮﮞ ﭘﮩﻨﺎ ﻓﺮﺷﺘﻮﮞ ﻧﮯ ﻟﺒﺎﺱ ﺍﺱ ﮐﺎ
ﻣﺤﻤﺪﷺﮐﮯ ﺍﺑﻮ ﺑﮑﺮ ﻭ ﻋﻤﺮ ﻣﺠﻨﻮﻥ ﮨﯿﮟ ﺩﻭﻧﻮﮞ
ﻣﯿﺮﮮ ﮔﮭﺮ ﻣﯿﮟ ﺍﺑﻮ ﺑﮑﺮ ﻭ ﻋﻤﺮ ﻣﺪﻓﻮﻥ ﮨﯿﮟ ﺩﻭﻧﻮﮞ
ﻣﯿﺮﯼ ﭘﺎﮐﯿﺰﮦ ﺧﻮﺋﯽ ﮐﻮ ﺳﻤﺠﮭﻨﺎ ﺧﻮﺏ ﺁﺳﺎﮞ ﮨﮯ
ﻟﮕﺎ ﻟﻮ ﺍﺱ ﺳﮯ ﺍﻧﺪﺍﺯﮦ ﻣﯿﺮﺍ ﺩﺍﻣﺎﺩ ﻋﺜﻤﺎﻥ ﮨﮯ
ﺍﮮ ﺗﮩﻤﺖ ﺩﯾﻨﮯ ﻭﺍﻟﻮ ﺳﺮﻭﺭِ ﮐﻮﻧﯿﻦ ﷺﺳﮯ ﭘﻮﭼﮭﻮ
ﻋﻠﯽ ﺍﻭﺭ ﻓﺎﻃﻤﮧ ﺳﮯ ﭘﻮﭼﮫ ﻟﻮ ﺣﺴﻨﯿﻦ ﺳﮯ ﭘﻮﭼﮭﻮ
ﺍﺑﻮ ﺑﮑﺮ ﻭ ﻋﻤﺮ ، ﻋﺜﻤﺎﻥ ﻭ ﺣﯿﺪﺭ ﻓﺎﻃﻤﮧ، ﺣﺴﻨﯿﻦ
ﻣﯿﺮﯼ ﻋﺼﻤﺖ ﭘﮧ ﺗﻮ ﺷﺎﮨﺪ ﮨﮯ ﺭﺏ ﺷﺎﮦ ﺫﻭﺍﻟﻘﺮﻧﯿﻦ
ﺍﻧﺪﮬﯿﺮ ﺍ ﮨﯽ ﺍﻧﺪﮬﯿﺮﺍ ﮨﮯ ﺟﻮ ﺑﺎﻃﻞ ﮐﺎ ﺍﺟﺎﻻ ﮨﮯ
ﺧﺪﺍ ﮐﯽ ﻃﺮﻑ ﺳﮯ ﻃﮯ ﮨﮯ ﮐﮧ ﺣﻖ ﮐﺎ ﺑﻮﻝ ﺑﺎﻻ ﮨﮯ
ﺳﻼﻡ ﺍﮮ ﺑﻨﺖِ ﺻﺪﯾﻖ ﺭﻓﯿﻖِ ﺷﺎﮦ ﻧﻮﺭﺍﻧﯽ ﷺ
ﺳﻼﻡ ﺍﮮ ﺯﻭﺟﮧ ﻭ ﻣﺤﺒﻮﺑﮧﺀِ ﻣﺤﺒﻮﺏِ ﺭﺑﺎﻧﯽ ﷺ
ﺳﻼﻡ ﺍﮮ ﻓﺎﻃﻤﮧ ﮐﮯ ﭘﯿﺎﺭﮮ ﭘﯿﺎﺭﮮ ﺑﺎﭖ ﷺﮐﯽ ﺭﺍﻧﯽ
ﺳﻼﻡ ﺍﮮ ﻣﺼﻄﻔﯽﷺ ﮐﮯ ﻻﮈﻟﮯ ﺣﺴﻨﯿﻦ ﮐﯽ ﻧﺎﻧﯽ
ﯾﮧ ﻣﯿﺮﮮ ﭼﻨﺪ ﺁﻧﺴﻮ ﮨﯿﮟ ﺣﻔﺎﻇﺖ ﺍﻥ ﮐﯽ ﮐﺮ ﻟﯿﻨﺎ
ﺍﮮ ﻣﯿﺮﮮ ﺑﮭﺎﺋﯿﻮ ﺑﮩﻨﻮ ﺷﺮﺍﮐﺖ ﺍﻥ ﮐﯽ ﮐﺮ ﻟﯿﻨﺎ
ﺍﻟﮩﯽ ﺍﺱ ﻧﻈﻢ ﺳﮯ ﮨﺮ ﮐﺴﯽ ﮐﮯ ﺩﻝ ﮐﻮ ﮔﺮﻣﺎ ﺩﮮ
ﺍﺳﺎﻣﮧ ﺍﻭﺭ ﺍﻧﺲ ﮐﮯ ﺩﺭﺩِ ﺩﻝ ﮐﻮ ﻋﺎﻡ ﻓﺮﻣﺎ ﺩﮮ
​