“ڈ“ سے شروع ہونے والے اشعار

ڈھونڈو گے اگر ملکوں ملکوں، ملنے کے نہیں نایاب ہیں ہم
تعبیر ہے جس کی حسرت و غم، اے ہم نفسو وہ خواب ہیں ہم

 

ڈھونڈھتی رہتی ہے کیا کھوئے ہوے خواب اپنے
کیوں بھٹکتی ہے خلاؤں میں نظر آوارہ

 

ڈوبنے والا تھا اور ساحل پر چہروں کا ہجوم
پل کی مہلت تھی میں کس کو آنکھ بھر کر دیکھتا

 

ڈھونڈتا پِھرتا ہوں لوگوں میں شباہت اُس کی
کہ وہ خوابوں میں بھی لگتی ہے خیالوں جیسی

 

ڈھونڈ اجڑے ہوئے لوگوں میں وفا کے موتی
یہ خزانے تجھے ممکن ہے خرابوں میں ملیں

 

ڈھونڈ رہا ہے وہ ہم کو بھول جانے کا طریقہ
سوچتے ہیں خفا ہو کر اُس کی مشکل آساں کر دیں