“عقیدتوں کے گلاب “ نور کی ذاتی شاعری

تمہیں کیا خبر تم میری التجاؤں ‌میں رہتے ہو
میرے نہیں‌تو کیا،میری دعاؤں میں رہتے ہو

تم جو کہیں کھو گئے ہو، غم کا بیج بو گئے ہو
دور ہم سے ہو گئے ہو، پھر بھی صداؤں میں رہتے ہو

تم خوشبو بن کر بکھر گئے ہو، رنگت بن کر اتر گئے ہو
جو لازمِ حیات ہیں ، تم ایسی ہواؤں میں رہتے ہو

چاہے منہ موڑ لو ہم سے، رشتہ دل کا توڑ لو ہم سے
ٹوٹا ناطہ جوڑ لو ہم سے ، ہر دم نگاہوں میں رہتے ہو

نور دعائیں رنگ جو لائیں، کبھی وہ تیرے سنگ بھی آئیں
دامن خالی رہ نہ جائیں، تم میری التجاؤں میں رہتے ہو

(نور)​

 

واپسی

تمھیں یاد ہے ؟؟

اک دن بہت لگاوٹ سے
تم نے پوچھا تھا کہ
“ تم واپس کب لوٹ رہی ہو؟“

تو میں نے
چند ساعتیں سوچ کر
یکدم ذرا سا چونک کر
تیری آنکھوں میں جھانک کر
بڑے دھیرج سے کہا تھا
“اُس دن۔۔۔ہاں اُسی دن
کہ جب تمھارے لب
یہ کہنے کو ہلیں گے:

اے نور ! مجھے اب تمھاری ضرورت ہے
مجھے اب تم سے سچی چاہت ہے

تو دیکھ لو آج !
میں لوٹ ہی آئی ہوں

واپس گھپ اندھیروں میں
طوفانوں کے تھپیڑوں میں
مصائب کے بکھیڑوں میں

فقط اس دعا کے ساتھ کہ

“تم سدا رہو سویروں میں“

 

واہ جی واہ!
پہلا شعر اچھا ہے-

 

بہت خوب نور جی ! آزاد نظم تو بہت ہی پیاری ہے۔

مزید کلام کا انتظار رہے گا

 

نور واقعی بہت اچھی نظم ہے
بہت ہی اچھی

 

بیٹا نورالعین
بہت ھی پیاری اور خوبصورت نظم ھے،

 

پسندیدگی اور حوصلہ افزائی کا شکریہ
-----------------------------------------------------------------

اس بے وفا کی جدائی سے بھی دل اداس ہے
دلِ مضطرب کو جانے ابھی کیا آس ہے ؟

ساقی یہ دستورِ محفل تجھے زیب نہیں
بزم بھی تیری ہو ،ہمیں پھر بھی پیاس ہے

یوں‌تو زمانہ بھرا ہے اچھوں سے لیکن
کچھ شئے تو اجنبی میں بھی “خاص“ ہے

کیسے محبتوں سے دل کو تہی کر لوں
یہی تو میری دھڑکنوں کی اساس ہے

نور اسے اتنا نہ خود سے دور سمجھ
آنکھ سے دور سہی ، دل کے تو پاس ہے​

 

نورالعین بہن۔ اچھی شاعری ہے۔ آپ مشق جاری رکھئیے۔

 

بہت ھی خوبصورت، کیا بات ھے،!!!!

 

نورالعین جی ۔ بہت اچھی شاعری ہے۔

کوشش جاری رکھئیے۔ آپکے مزید کلام کا انتظار رہے گا