۔::میری پسند۔::۔

ابھی ضد نہ کر دل بے خبر
کہ پس ہجوم ستمگراں
ابھی کون تجھ سے وفا کرے
ابھی کس کو فرصتیں اس قدر
کہ سمیٹ کر تیری کرچیاں
تیرے حق میں خدا سے دعا کرے

ابھی ضد نہ کر دل بے خبر
کہ تہہ غبار‌ غم جہاں
کہاں کھو گئے اے تیرے چارہ گر
کہ راہ حیات میں رایگاں
کہاں سو گئے تیرے ہمسفر
ابھی غم گساروں کی چوٹ سے
ابھی کچھ نا سن ابھی کچھ نا کہہ

ابھی ضد نہ کر میرے بے نوا
ابھی ہو سکے تو سکھی میرے
سب ہی خواب راکھ میں دفن کر
ابھی ہو سکے تو ہی سوچ لے
کہ طلوع افق سے پیشتر
کہیں درد ہے تو ہوا کرے
کوئی چوٹ ہے تو کھلا کرے

کبھی یوں بھی ہو کہ سر افق
تیرے دکھ کا چاند دمک اٹھے
کوئی ٹیس خودسے چمک اٹھے
کسی شہر زخم فروش میں
سب ہی عکس خود سے خرچ کبھی
کبھی یوں بھی جشن تڑپ منا
کبھی اس طرح سے بھی عید کر

 

بہت خوب کلام ہے۔

کیا یہ امجد اسلام امجد کا کلام ہے ؟ یا کسی اور شاعر کا؟

 

پتا نہیں

 

میرے من میں آگ عشق کی۔۔۔

میرے من میں آگ عشق کی
تو نے ہی بھڑکائی
آہ و فغاں کی صورت میں
تیری یاد لبوں پر آئی

سچل سر مست (خواجہ عبدالوھاب)

 

سرمے کا تل لگا کے رُخِ لاجواب پہ ۔۔۔
کیوں نکتے بڑھا رہے ہوخداکی کتاب پہ؟​

 

اتنا چیخ چیخ کر کیوں :evil: ؟
اور یہ جو بھی لکھا ہے۔۔۔اس کے لئے۔۔۔

مجھے کوئی پرواہ نہیں :twisted:

 

میں نے آپ کو تھوڑی لکھا تھا ۔۔۔۔

یہ تو صرف آپکی لڑی کے عنوان کے مطابق “میری پسند“ کا شعر تھا ۔۔ سو لکھ دیا

 

اچھا سوری

 

جائیں ۔۔ ہم نے آپکی سوری قبول فرماتے ہوئے آپکو معاف فرمایا۔۔

آپ بھی کیا یاد کریں گی کہ کس سخی سے پالا پڑا تھا

 

بہت اچھا انتخاب ہے ۔۔۔۔۔۔۔۔ پسند آیا ہمیں

 

جائیں ۔۔ ہم نے آپکی سوری قبول فرماتے ہوئے آپکو معاف فرمایا۔۔

آپ بھی کیا یاد کریں گی کہ کس سخی سے پالا پڑا تھا [/quote:23rc5fmr]

بہت شکریہ “شیخ سخی“ صاحب

 

بہت اچھا انتخاب ہے ۔۔۔۔۔۔۔۔ پسند آیا ہمیں [/quote:182sf0tq]

آپ کو اور کس کس کو؟ :shock:

 

بجو جی ۔۔ ایک قطعہ آپکی لڑی کی نذر

اس کی آنکھوں میں ہو کوئی دکھ بسا شاید
یا مجھے خود ہی کوئی وہم ہوا شاید
میں نے پوچھا “بھولے گئے تم بھی ہمکو؟“
پونچھ کر آنکھیں مجھے اس نے کہا “شاید“​

 

اے جھلستے ہوئے جسموں کے خدا
جلتی د و پہر پہ با د ل کر د ے​

 

وہ وقت مری جان بہت دور نہیں ہے
جب درد سے رک جائیں گی سب زیست کی راہیں
اور حد سے گزر جائے گا اندوہِ نہانی
تھک جائیں گی ترسی ہوئی ناکام نگاہیں
چھن جائیں گے مجھ سے مرے آنسو مری آہیں


فیض احمد فیض​

 

واہ!

 

بےتعلق نہ ہمیں جان کہ ہم جانتے ہیں
کتنا کچھ جان کے یہ بےخبری آتی ہے

اس قدر گوندھنا پڑتی ہے لہو سے مٹی
ہاتھ گُھل جاتے ہیں پھر کوزہ گری آتی ہے

کتنا رکھتے ہیں وہ اس شہرِ خموشاں کا خیال
روز ایک ناؤ گلابوں سے بھری آتی ہے

زندگی کیسے بسر ہوگی کہ ہم کو تابش
صبر آتا ہے نہ آشفتہ سری آتی ہے​

کیسے اشعار ہیں ؟؟

 

واہ بھئی واہ !!!

 

چاند کے ساتھ جل اٹھی میں بھی
دیر تک بام پر رہی میں‌ بھی

کیا ہوا ڈھل رہی ہے شام اگر
ہے وہی تو بھی اور وہی میں بھی

تو جو بدلا تو میں بھی بھول گئی
ورنہ بھولی نہ تھی کبھی میں بھی

لب دیوار و در تو پتھر تھے
تیرے آگے خموش تھی میں بھی

چھاوں میں ہوں ابھی دعاوں کی
ہوں کسی گود کی پلی میں بھی

 

بہت خوب۔ خود اعتمادی کا بہت اچھا اظہار ہے۔

 

​

 

بکھر گیا ہے کچھ اس طرح آدمی کا وجود
ہر ایک فرد کوئی سانحہ لگے ہے مجھے
-------------------------------------------------

بیت خوب آپا ۔۔ بہت عمدہ کلام ہے

 

بجو۔ گو کہ آپ نے خود ٹائپ نہیں کی ۔ لیکن غزل بہت اچھی ہے۔ زبردست۔

 

شکریہ!

 

اچھی غزل ہے۔

 

اپنی پسند کی ایک غزل ۔۔ اس لڑی کے نام

کچھ اس ادا سے آج وہ پہلو نشیں رہے
جب تک ہمارے پاس رہے ہم نہیں رہے

یا رب کسی کے رازِ محبت کی خیر ہو
دستِ جنوں‌ رہے نہ رہے ، آستیں رہے

د ر دِ غمِ فرا ق کے یہ سخت مرحلے
حیراں‌ ہوں میں کہ پھربھی تم اتنے حسیں رہے

جا اور کوئی ضبط کی دنیا تلاش کر
اے عشق ہم تو اب ترے قابل نہیں رہے

اللہ رے چشمِ یار کی معجز بیانیاں
ہراک کوہےگماں کہ مخاطب ہمیں رہے

اس عشق کی تلا فیء ما بعد د یکھنا
رونے کی حسرتیں ہیں جب آنسو نہیں رہے​

 

نعیم صاحب ۔ بہت اچھی غزل ہے۔ زبردست کلام ہے۔ :titli:

 

اس شعر کو پڑھ کے اپنے محلے کی ایک خاتون یاد آ گئیں۔محترمہ بات اپنے ساتھ بیٹھی خاتون سے کر رہی ہوتی تھیں لیکن بھینگی آنکھوں کی وجہ سے نظر کسی اور پہ ہوتی تھی :176:
غزل زبردست تھی :a180:

 

بہنا ! آپ کی بات بھی صحیح ہوگی ۔ لیکن سچ بات ہے کہ میں جب غزل میں یہ اشعار سنتا ہوں تو مجھے اپنے مرشد یاد آ جاتے ہیں۔ اُن کے خطاب کے دوران ہر شخص یہی سمجھتا ہے کہ اسی سے بات فرما رہے ہیں۔ ہر ایک پر پوری توجہ اور نظر فرماتے ہیں۔

 

سبحان اللہ :121: