یہ کربلا ہی تو اک ایسا آستانہ ہے ۔۔ سید فرخ رضا ترمذی

یہ کربلا ہی تو اک ایسا آستانہ ہے
جہاں پہ گونجتا عباس کا ترانہ ہے

اسیر کردیا جاؤں یا سر قلم کردیں
مجھے تو عہد وفا ہر طرح نبھانا ہے

خراج مانگتے ہیں وہ علی سے چاہت کا
علی کے نام پہ سر کو یہاں کٹانا ہے

در بتول پہ آیا ہوں، خالی جھولی ہے
سخی ہے سیدہ س، جھولی کو بھر کے جانا ہے

ہمارے خون میں عشق حسین دوڑتا ہے
ہمارے لب بھی شہادت کا ہی ترانہ ہے

حسین لے گئے اکبر جوان کو مقتل
اسی کے خون سے اسلام کو بچانا ہے

بھلے ہو طفل مگر لعل یہ علی کا ہے
تو تیر کھا کے بھی اس کو تو مسکرانا ہے

امامِ عصر کے،رہتا ہوں انتظار مِیں مَیں
اسی کے قرب میں آخر سکون پانا ہے

یہ میری جان ،مری جان تو نہیں فرخ
رسول پاکﷺ کی حرمت پہ وار جانا ہے
---
سید فرخ رضا ترمذی
98 واں ہفتہ وار فی البدیہہ طرحی مشاعرہ 29 تا 30 جولائی
پیشکش فیس بک ٹائمز انٹرنیشنل

​

 

ہمارے خون میں عشق حسین دوڑتا ہے
ہمارے لب بھی شہادت کا ہی ترانہ ہے
​

 

یہ میری جان ،مری جان تو نہیں فرخ
رسول پاکﷺ کی حرمت پہ وار جانا ہے
---​

 

سبحان اللہ & جزاک اللہ

​

 

اللہ تعالٰی آپ کو بھی جزائے خیر عطا کرے آمین

​