یہ ڈھلتی چاندنی ہے کیا مہ ضو بار کو دیکھیں ؟ ۔ شاکر بانکوی

یہ ڈھلتی چاندنی ہے کیا مہ ضو بار کو دیکھیں ؟
" نگاہوں کی تمنا ہے رخ سرکار کو دیکھیں "

زبان اشک سے کچھ کہہ رہی ہیں آپ سے شاید
مرے آقا مری چشمان گوہربار کو دیکھیں

ہیں جس کی سادگی پہ خلد کی آرائشیں قرباں
چلو ہم بھی شہ لولاک کے دربار کودیکھیں

نچھاور گل پہ کیسے ہوتے ہیں کہہ دو عنادل سے
فدا محبوب پہ ہوتے رفیق غار کو دیکھیں

ہے صحراء مدینہ پر بہار خلد بھی قرباں
گلوں سے بھی ہیں نازک تر یہاں کے خار کو دیکھیں

جنون عشق تھا کہ تین سو تیرہ مسلماں نے
شکست فاش دی ہے لشکر جرار کو دیکھیں

سر محشر اگر ایسا ہو شاکر لطف آجائے
میں قرباں ہو چکوں اور سب رخ سرکار کو دیکھیں

شاکر بانکوی ​

 

اللہ تعالیٰ آپ کو بھی جزائے خیر عطا کرے آمین