یہ جہاں کچھ بھی نہیں ان کی ادا کےسامنے ۔ امجد رضا رانچوی

یہ جہاں کچھ بھی نہیں ان کی ادا کےسامنے
یعنی فخرِ دوجہاں شمس الضحٰی کے سامنے

باغِ جنّت سے ہوائیں آ رہیں ہیں دم بدم
میں کھڑا ہوں روضہء خیرالورٰی کے سامنے

روشنی پھیکی نظر آتی ہے سارے دہر کی
مصطفٰے جانِ دوعالم کی ضیا کے سامنے

حسن کو کہنا پڑا چہرہ نبی کا دیکھ کر
کائناتِ حسن کیا ہے مصطفٰے کے سامنے

صبر کا کوہِ ہمالہ ہیں کھڑے بن کر حسین
کربلا کی ریت میں ظلم و جفا کے سامنے

یہ تمنا لے کےـ امجد ـ قبر کے جانب چلا
میں پڑھونگا نعت محبوبِ خدا کے سامنے

امجد رضا رانچوی​

 

اللہ تعالیٰ آپ کو بھی جزائے خیر عطا کرے آمین