یقیں سے ماورا ہے جعفرطیار(رضی اللہ عنہ) کا رتبہ ۔ از بلاؔل رشید

یقیں سے ماورا ہے جعفرطیار کا رتبہ
بڑوں سے بھی بڑا ہے جعفر طیار کا رتبہ

حقیقت میں شناسا ہے وہی شان محمد سے
بشر جومانتا ہے جعفر طیار کا رتبہ

وہ ہیں حسنین کے نانا علی کے وہ برادر ہیں
زمانہ جانتاہے جعفر طیار کا رتبہ

علم اسلام کا بخشا انہیں احمد نے موتہ میں
اسی سے جان کیاہے جعفر طیار کا رتبہ

خدا نے قوت پرواز جنت میں انہیں دی ہے
وفاؤں کا صلہ ہے جعفر طیار کا رتبہ

نبی نے خود انہیں حبشہ سفارت کے لیے بھیجا
صحابہ میں جدا ہے جعفر طیار کا رتبہ

ملے اعزاز ان کو سب شہہ بطحا کی نسبت سے
عطائے کبریا ہے جعفر طیار کا رتبہ

علی بھی ناز کرتے تھے صدا ان کی فضیلت پر
کہ نازِ مرتضی ہے جعفر طیار کا رتبہ

بلاؔل حق نوا از خود نہیں ہے معترف ان کا
حدیثوں میں پڑھاہے جعفر طیار کا رتبہ
-----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین