یا محمدﷺ ایسی عزت آپ نے پائی کہ بس ۔۔۔ آغا سروش

یا محمدﷺ ایسی عزت آپ نے پائی کہ بس
کی شب معراج رب نے وہ پذیرائی کہ بس

ایک پل میں مصطفیٰﷺ کو عرش پر بلوا لیا
اپنے بندے کی خدا کو ایسی یاد آئی کہ بس

گنتے گنتے تھک گئیں تاروں کی ناز انگلیاں
مصطفیٰﷺ کے ہیں زمیں پر اتنے شیدائی کہ بس

میں نے تپتی دھوپ میں جب چھیڑ دی نعتِ رسولﷺ
رحمتوں کی ہر طرف ایسی گھٹا چھائی کہ بس

دیکھ اب بھی وقت ہے دامانِ احمد تھام لے
ورنہ کل محشر میں ہوگی ایسی رسوائی کہ بس

ایک دن میں لکھنے بیٹھا تھا شب ہجرت کا حال
کیا کہوں یارو مجھے بھی ایسی نیند آئی کہ بس

ان فرشتوں نے ابھی پوچھا ہی کیا تھا اے سروش
دفعتاً میرے سرہانے سے صدا آئی کہ بس
٭٭٭
شاخ گل ... آغا سروش​

 

صلی اللہ علیہ وآلہ وسلم
دیکھ اب بھی وقت ہے دامانِ احمد تھام لے
ورنہ کل محشر میں ہوگی ایسی رسوائی کہ بس​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین