یا رب مجھے بھی نعت کا جذبہ نصیب ہو ۔۔۔ اسرار رازی، نئی دہلی

یا رب مجھے بھی نعت کا جذبہ نصیب ہو​

حسّانِ بے مثال کا لہجہ نصیب ہو

نخلِ مدینہ کا مجھے خوشہ نصیب ہو
جدِّ نبی کا زمزمِ کعبہ نصیب ہو

روضے کی جالی تھام کے نعتِ نبی پڑھوں
ایسا بھی مجھ کو زیست میں لمحہ نصیب ہو

ڈھل جائے میری اُسوۂ آقا میں زندگی
مجھ کو اطاعتِ شہِ سدرہ نصیب ہو

ہر لمحہ نعت خوانی مرا مشغلہ بنے
میری زباں کو ایسا وظیفہ نصیب ہو

آنکھیں کھلیں تو گنبدِ خضرا کا اے خدا
میری نگاہِ شوق کو بوسہ نصیب ہو

رازی کی التجا ہے یہ محشر کی دھوپ میں
عاصی کے سر کو آپ کا سایہ نصیب ہو
------
اسرار رازی، نئی دہلی
مجلہ پیام خواتین فیس بک گروپ کا تیرہواں آن لائن فی البدیہہ طرحی مشاعرہ
13 ستمبر تا 16 ستمبر 2018​

 

صلی اللہ علیہ وآلہ وسلم
روضے کی جالی تھام کے نعتِ نبیﷺ پڑھوں
ایسا بھی مجھ کو زیست میں لمحہ نصیب ہو​

 

صلی اللہ علیہ وآلہ وسلم
رازی کی التجا ہے یہ محشر کی دھوپ میں
عاصی کے سر کو آپ کا سایہ نصیب ہو​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین