یا خُدا! عشقِ محمدﷺ کا عطا اِک جام کر ۔۔ شیخ صدیق ظفرؔ

یا خُدا! عشقِ محمدﷺ کا عطا اِک جام کر
یوں عطا فیضِ نبیﷺ کا سرمدی انعام کر

یا خُدا! اُمت کے سر سے ٹال دے سب مشکلیں
اور اُونچا آسماں تک پرچمِ اِسلام کر

خیزاں افتاں جا رہا ہوں میں مدینہ کی طرف
یا خُدا مشکل سفر میرا بخیر انجام کر

میری مٹی کو اُڑا کر سُوئے طیبہ لے کے چل
تُو مرا بادِ صبا! بہرِ خُدا، یہ کام کر

تُجھ پہ لازم ہے یہ ارضِ پاک کے فرمانروا
درسِ عشقِ مصطفیٰﷺ ہر مدرسہ میں عام کر

اسمِ احمدؐ یوں رگ و پے میں مرے رچ بس گیا
ذِکر اب کرتا ہوں میں قلب و جگر کو تھام کر

زندگی تیری برائے نام، تُو گمنام ہے
زندگی اپنی ظفرؔ! اپنے نبیﷺ کے نام کر
٭٭٭
خزینۂ حمد و نعت ﷺ ۔۔۔ شیخ صدیق ظفرؔ​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین