یارب کچھ ایسا حب نبیﷺ میں کمال ہو ۔۔ محمد شاہد علی مصباحی

یارب کچھ ایسا حب نبیﷺ میں کمال ہو
ہر جا نگاہ ناز میں انکا جمال ہو

جگنو جو چمکے ذہن میں تیرے جمال کا
بس اس کے بعد پھر نہ کوئی اور سوال ہو

گزرا ہے تیری یاد میں اک عرصۂ دراز
اب حاضری کی کوئی تو صورت بحال ہو

اللہ جنکو کہدے کہ میرے حبیب ہیں
ممکن نہیں کہ دہر میں انکی مثال ہو

پرتَو پہ جن کے کٹ چکیں انگشت مہوشاں
کیا ایسی بارگاہ میں سر کی مجال ہو

اللہ کے حضور ہے بس اتنی التجا شاہد
ترے نصیب میں عشق بلال ہو
----
محمد شاہد علی مصباحی
67 واں فی البدیہ طرحی مشاعرہ 17 تا 18 دسمبر 2018
فیس بک ٹائمز انٹرنیشنل
​

 

اللہ جن کو کہدے کہ میرے حبیبﷺ ہیں
ممکن نہیں کہ دہر میں ان کی مثال ہو​

 

سبحان اللہ ـ جزاک

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین