ہے طیبہ میں اپنا قیام اس کی خاطر ۔ بلال رشید

ہے طیبہ میں اپنا قیام اس کی خاطر
نبی پر درود و سلام اس کی خاطر
اسی کے لیے عشق آل نبی ہے
ہوں اصحاب کا میں غلام اس کی خاطر
ہے نفرت بھی اس کے لیے ہی کسی سے
کروں سب کا میں احترام اس کی خاطر
کروں اور کیا اس سے بڑھ کر بیاں میں
کہ ہوں مصطفیٰ کا غلام اس کی خاطر
سلام و مناقب ہوں نعتیں کہ نوحے
میں لکھتا ہوں ہر اک کلام اس کی خاطر
بھلا اس مجاہد کا ہو روز محشر
جو دے ظالموں کو لگام اس کی خاطر
ملایک کا اس کے لیے ہی ادب ہے
ہے نبیوں کا دل میں مقام اس کی خاطر
بلال ان پہ اللہ کی رحمت ہو ہر دم
جو دیں مجھ کو بھی احترام اس کی خاطر
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

سبحان اللہ
بہت عمدہ
جزاک اللہ خیراً کثیرا​

 

اللہ تعالیٰ آپ کو بھی جزائے خیر عطا کرے آمین

 

ثمہ آمین یا رب العالمین