ہے شکر رب کا کہ آئی ندا مدینے سے ۔۔ انعام الحق معصوم صابری

ہے شکر رب کا کہ آئی ندا مدینے سے​

غلام پر تو ہے برسی گھٹا مدینے سے

مریض عشق محمدﷺ چلا دوا لینے
"ہر ایک دکھ کی ملے گی دوا مدینے سے"

میں آ گیا ہوں مدینے نہ کوئی اب چھیڑے
مجھے نہ اب کبھی کرنا جدا مدینے سے

اے دوستو مرا نعلین میں پڑا ہے سر
کہاں لے کر چلے ہو یہ گدا مدینے سے

ہے آرزو مری دنیا کو نور میں کر دوں
تو چاہیے مجھے آقاﷺ ضیا مدینے سے

نبیﷺ کی نعت تو معصوم ہے مری خواہش
مجھے ملے اسی در کی عطا مدینے سے
-----
انعام الحق معصوم صابری​

 

اللہ تعالیٰ آپ کو بھی جزائے خیر عطا کرے آمین