ہے شرف سب پہ عیاں جعفر طیار ترا ۔ (بلال رشید)

ہے شرف سب پہ عیاں جعفر طیار ترا​

نام ہے ورد زباں جعفر طیار ترا
جس کو سننے سے نجاشی بھی ہوا داخل دیں
کیا تھا وہ شیریں بیاں جعفر طیار ترا
سبط ہندہ کو سزا دینے چلا ہے غازی
لے کے ہاتھوں میں نشاں جعفر طیار ترا
با خدا نور کی ہوتی ہے وہاں پر بارش
ذکر ہوتا ہے جہاں جعفر طیار ترا
آج ہے کرب و بلا ان کے کرم سے روشن
خون تھا جن میں رواں جعفر طیار ترا
دیتے موتہ میں علم اور کسے میرے نبی
کون ہمسر تھا جواں جعفر طیار ترا
ٹوٹے ہاتھوں سے بھی گرنےنہ دیاتو نے علم
کیا منور ہے بیاں جعفر طیار ترا
جن کی فطرت میں عداوت ہو ابو طالب سے
ان کو عرفان کہاں جعفر طیار ترا
اس کی آغوش میں پھر چین سے سوتے ہیں پسر
زکر کرتی ہے جو ماں جعفر طیار ترا
کاش میں ساتھ چلوں اس کے منادی بن کر
قافلہ جب ہو رواں جعفر طیار ترا
اس کی آغوش میں پھر چین سے سوتے ہیں پسر
زکر کرتی ہے جو ماں جعفر طیار ترا
جن کی فطرت میں عداوت ہو ابو طالب سے
ان کو عرفان کہاں جعفر طیار ترا
میرے ماتھے پہ جو محراب نظر آتا ہے
ہے یہ قد موں کا نشاں جعفر طیار ترا
میرے گھر آج تھے مہمان علی مولا بھی
کیوں کہ تھا جشن یہاں جعفر طیار ترا
قرب سرکار و علی ہوتا ہے محسوس مجھے
نام لے جب بھی زباں جعفر طیار ترا
کس طرح چھوڑے ثنا تیری بلال مضطر
اس کے دل میں ہے مکاں جعفر طیار ترا
--------
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین