ہے جس پہ ناز اداؤں کو ہے ادائے حسین ۔۔۔ "ارشد منیر نقشبندی"

ہے جس پہ ناز اداؤں کو ہے ادائے حسین
کٹا کے سر بڑی عزت سے مسکرائے حسین

خدا کے شیر کا لختِ جگر ہے شیر نبی ﷺ
شکست خردہ نہ ہو کر کبھی بھی جائے حسین

نبیﷺ سے فیض ولائیت وہ پا نہیں سکتا
جسے قبول نہ دل سے ہوئی ولائے حسین

یہی تو وارث دیں ہے نبی کا نور نظر
بنائے دین ہے پھر کیوں نہ دیں بچائے حسین

اجاڑ دیں جو یزیدی کبھی تمازت سے
لہو سے اپنے یہ گلشن فقط سجائے حسین

سناں کی نوک بھی قسمیں اٹھا کے کہتی ہے
وفا کی لاج نبھائے تو بس نبھائے حسین

نبیﷺ کو بخشا گیا ہے مقام حمد و ثناء
بنی ہے خلد میں کوثر فقط برائے حسین

ملے گا شان سے ظل لوائے حمد انہیں
جنہیں بھی حشر میں پہچان کر بلائے حسین

بروز حشر وہی ہو گا کامیاب منیر ؔ
ہے جس نے ہاتھ میں تھاما ہوا لوائے حسین
-----
"ارشد منیر نقشبندی"
لندن​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین