ہے اُن کے حُسنِ مساوات کی نظیر کہاں ۔ احمد ندیم قاسمی

صلی اللہ علیہ وآلہ وسلم
ہے اُن کے حُسنِ مساوات کی نظیر کہاں
کوئی حقیر کہاں ، اور کوئی کبیر کہاں

درِ رسولﷺ پہ بیٹھا ہوا فقیر ہوں میں
بھلا جہاں میں کوئی مجھ سا بھی امیر کہاں

ہے دل پہ نقش شبیہِ محمدِ عربی ﷺ
شہوں کے پاس بھی یہ دولتِ خطیر کہاں

بجا کہ عرش کے اُس پار تک حضورﷺ گئے
یہ انتہا ہے ، مگر اس کی بھی اَخیر کہاں

مورخین کتابیں کھنگالتے ہی رہے
ملے انہیں ترے کردار کی نظیر کہاں
------​

احمد ندیم قاسمی
مجموعہ نعتﷺ ( انوارِ جمال )
صفحہ نمبر۔90​

 

اللہ تعالیٰ آپ کو بھی جزائے خیر عطا کرےآمین