ہے اتنی آرزو تم اپنا کہو کبھی ۔ محمد عمران شریف

نعت رسول مقبول ﷺ
----
ہے اتنی آرزو تم اپنا کہو کبھی
تیرے سوا طلب اور مجھ کو نہ ہو کبھی​

بے تاب آنکھیں روتی ہیں تیرے ہجر میں
آ کر یا پھر بلا کر ہم سے ملو کبھی

میں وجد کے سمندر میں ڈوب جاؤں گا
میرے خیالوں میں جو کچھ پل رہو کبھی

ہو جائیں شبنمی پھولوں جیسے خار سب
گلشن میں جان میری دم بھر چلو کبھی

پلکیں ترس گئی ہیں گلزار کر دو یوں
نازک سے پاؤں رکھ کر رستہ کرو کبھی

بیمار ہجر ہوں ہو گی زندگی عطا
گر ہاتھ اپنا میرے دل پر دھرو کبھی

ان کو لپیٹ لیتی ہے رحمت نبی
ہو جائیں جو مدینے کے راہ رو کبھی

پھر ساری شدتِ محشر بھول جائے گی
جلووں میں ان کے جائیں عمران کھو کبھی
---
محمد عمران شریف
​

 

اللہ تعالیٰ آٌپ کو بھی جزائے خیر عطا کرے آمین