ہے آرزو کہ میرا بھی اعلیٰ نصیب ہو ۔۔ نور سعید مرکزی اشرفی

ہے آرزو کہ میرا بھی اعلیٰ نصیب ہو
اے کاش مجھ کو روضے پہ جانا نصیب ہو

حرص و حسد کو دل سے ہمارے مٹا دے جو
عشق نبیﷺ کا ایسا خزانہ نصیب ہو

صدقے میں مصطفیٰﷺ کے دعا کر خدا قبول
میزاب کے تلے کبھی سجدہ نصیب ہو

جب تک رہے حیات لکھوں نعت مصطفیٰﷺ
مرنے کے وقت آپ کا کلمہ نصیب ہو

خود کو گما دوں جا کے دیار حبیب میں
پھر واپسی کی راہ نہ پانا نصیب ہو

پلکوں سے ان کے در کو بہاروں میں یا خدا
مجھ کو کبھی یہ نعمت عظمٰی نصیب ہو

تاریکی اس کو کیسے ستا سکتی ہے سعید
جس کو رخ نبیﷺ کا اجالا نصیب ہو
---
✍ نور سعید مرکزی اشرفی
مجلہ پیام خواتین فیس بک گروپ کا تیرہواں آن لائن فی البدیہہ طرحی مشاعرہ
13 ستمبر تا 16 ستمبر 2018​

 

جب تک رہے حیات لکھوں نعت مصطفیٰﷺ
مرنے کے وقت آپ کا کلمہ نصیب ہو​

 

سبحان اللہ ـ جزاک اللہ

 

اللہ تعالیٰ آپ کو بھی جزائے خیر عطا کرےآمین

 

اللہ تعالیٰ آپ کو بھی جزائے خیر عطا کرےآمین