ہوئی جس کی نسبت علی مرتضٰی سے (بلال رشید)

ہوئی جس کی نسبت علی مرتضٰی سے
اسی کو ملا فیض خیرالوریٰ سے

بجا بعد سرکار طیبہ ازل سے
علی شاہ عالم ہیں رب کی عطا سے

سراپا تھی جس کی نجابت نبی سے
اسی کا ہوا عقد خیرالنساء سے

بتا اے مسلماں اسے کیا کہیں ہم
لڑے کوئی آ کر جو دست خدا سے

در مرتضی سے رہے دور جو بھی
نہیں اس کا ناطہ کوئی مصطفی سے

وہی فاتح بدر و خیبر ہے لوگوں
احد میں ملی تیغ جس کو خدا سے

تسلسل سے القاب پائے علی نے
کبھی کبریا سے کبھی مصطفی سے

سبق ان کو تیغ علی نے سکھایا
نہیں باز آئے جو اپنی جفا سے

بلال آپ کا نام زندہ رہے گا
رہو گر جو وابستہ باب وفا سے​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین