ہم پر حضورﷺ ایسی عنایت کیا کریں ۔ محمد عمران شریف

نعت رسول مقبولﷺ
----
ہم پر حضورﷺ ایسی عنایت کیا کریں
آنکھوں کے روبرو ہوں زیارت کیا کریں

قصویٰ پہ آئیں اور مرے گھر قیام ہو
دن رات صبح شام یوں ہجرت کیا کریں

والیل زلفیں والضحیٰ صورت ہو سامنے
پڑھتے رہیں یہ چہرہ تلاوت کیا کریں

نزدیک ہوں یا دور مدینے کی سمت پر
سر کو جھکاۓ رکھیں عبادت کیا کریں

ہے کون آپ ﷺ کے سوا پوچھے ہمارا حال
بس آپ ہی حضور اعانت کیا کریں

ہم پر نظر کرم رہے موقوف آپ ﷺ کی
اس بھیک سے ہماری ضیافت کیا کریں

ہم قربتیں سمیٹ لیں بدلے درود کے
عمران ان ﷺ سے ایسی تجارت کیا کریں
-----
محمد عمران شریف​

 

اللہ تعالٰی آپ کو بھی جزائے خیر عطا کرے آمین