ہماری اردو کے ساتھیوں کا '' مقام محمود '' تک سفر

سفرنامہ لکھ ہی چکا تھا کہ بجلی چلی گئی اور میری محنت سے لکھی گئی تحریر کا یوں صفایا کر گئی جس طرح کل بزم خیال بھائی کے ہاں ماکولات و مشروبات کا صفایا ہو رہا تھا۔اب تو مختصر سا ہی لکھوں گا کیوں کہ جب سے کی بورڈ ہاتھ میں آیا ہے تب سے ایک ایک حرف تلاش کر کے لکھتا ہوں۔قلم سے رفتار جتنی تیز تھی اب اتنی ہی کم ہو گئی،شاید مکافات عمل ہے۔
کل کی بات ہے،صرف اور صرف اپنی پیاری زبان اردو کے رشتہ و تعلق کی بنا پر پورے ملک سے آئے ہوئے''ہماری اردو'' کے دوستوں سے ملاقات ہوئی۔بہت کچھ سیکھا ، بہت کچھ پایا۔یہ ملاقات بزم خیال بھائی کے دولت خانہ پر ہوئی جہاں پر وہ ِ؛ فطرت کے مقاصد کی کرتا ہے نگہبانی۔۔۔ کے مصداق بہت عمدہ سادہ اور کھلی فضاؤں میں دوستوں کے استقبال کے لئے پہلے سے موجود تھے۔ایک ایک کر کے ساتھی پہنچتے گئے۔راقم منور چشتی بھائی کی راہنمائی میں قدرے پہلے پہنچ گیا تھا جس کی وجہ سے ہر آنے والے مہمان کے ساتھ۔۔۔۔
بزم خیال بھائی بحریہ ٹاون کے سامنےروایتی انداز میں رہتے ہیں اور وقت کےحاتم طائی ہیں۔انہوں نے مہمانوں کی خاطر مدارت میں کوئی کسر نہیں چھوڑی۔پلایا، کھلایا اور نہلایا بھی۔محروم رہ جانے والے دوستوں کی حسرت کا خیال نہ ہوتا تو میں لحم طیور،پھلوں کے بادشاہ،لسی اور دیگر ماکولات و مشروبات کا ذکر ضرور کرتا۔بزم خیال بھائی کی باتیں بھی ماشاءاللہ بہت پختہ اور جچی تلی بلکہ یوں کہا جائے کہ بھٹے میں پکی ہوئی لگتی تھیں۔جنکی وجہ سے نازک مزاج دوست گرمی جذبات پہ قابو نہ رکھ سکے اور تالاب میں کودنا شروع ہوگئے۔ پانی کی سطح کافی بلند تھی،بہت لطف اندوز ہوئے۔جب کہ ہارون رشید بھائی کو تالاب کی تنگی کا گلہ تھا، واصف بھائی کیمرے کی آنکھ سےدیکھتے رہ گئے،میں اور اختر بھائی سفید پوشی یا ڈھلتی ہوئی جوانی کے چکر میں محض تاڑ کر ٹھنڈک کا احساس حاصل کرتے رہے۔
علمی، ادبی اور اردو زبان کی ترویج و اشاعت کے حوالے سے کیا گفتگو ہوئی؟اگر یہ بھی بتانا شروع کردوں تو بجلی دوبارہ میری محنت پر پانی پھیر دے گی۔اس لئے پھر سہی۔اللہ تعالی سے دعا ہے کہ اس بے لوث اور ًمخلص ٹیم کو اردو زبان کے فروغ کا ذریعہ بنائے۔
آج پاکستانی قوم غیروں کی زبان پہ فخر محسوس کرتی ہے اور یہ چیز قوموں کی تباہی کا پیش خیمہ ہوا کرتی ہے۔
کوا چلا ہنس کی چال------اور اپنی بھی بھول گیا

 

حوصلہ افزائی کے لئے شکریہ،یہ تحریرسہوا دوسری لڑی میں لکھی گئی اور کسی ممبر کو ٹیگ کرنا مجھے ابھی آتا نہیں۔

 

جزاک اللہ،آپ نے حوصلہ افزائی کی----دراصل پہلی تحریر بجلی اپنے ساتھ لے اڑی،دوبارہ تو بس تڑکا سا لگایا کہ تحریر ضائع ہوگئی ہے تو مہک ہی رہ جائے۔