ہر طرف ہے بول بالا جعفر طیار کا ( بلال رشید)

ہر طرف ہے بول بالا جعفر طیار کا
آج ہے ہر سو اجالا جعفرطیار کا

آپ ہیں تایا حسین و زینب و کلثوم کے
ایک ہے یہ بھی حوالہ جعفر طیار کا

اس لیئے پرچم ہے کالا حضرت عباس کا
تھا علم موتہ میں کالا جعفر طیار کا

جس نسب کی عظمتوں کا ہے زمانہ معترف
وہ نسب ہے شاہ والا جعفر طیار کا

قوت پرواز خالق نے نوازی ہے انہیں
کیا شرف ہے یہ نرالا جعفر طیار کا

مرحبا کہنے لگےشبیر بھی عباس کو
اس نے جب پرچم سنبھالا جعفر طیار کا

یوں بھی تھے شبیر جرآت میں مثال مرتضی
کیونکہ تھا شبیر پالا جعفر طیار کا

پیٹ میں اپنے عنایت سے خدا کی مومنو
جا رہا ہے ہر نوالہ جعفر طیار کا

ہے وہی حقدار احمد کی شفاعت کا بلال
پاس ہو جس کے حوالہ جعفر طیار کا
------
بلال رشید​

 

اللہ تعالیٰ آپ کو بھی جزائے خیر عطا کرے آمین

 

جزاک اللہ خیرا کثیرا

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین