ہجرت کے نِشاں دیکھ آئیں

۔
۔
قیصر الجعفری کا کلام آپ کی بصارتوں کی نذر

پچھتاوا

در و دیوار پہ ہجرت کے نِشاں دیکھ آئیں
آؤ ! ہم اپنے بزرگوں کے مکاں دیکھ آئیں

اپنی قسمت میں لکھے ہیں جو وراثت کی طرح
آؤ ! اک بار وہ زخمِ دل و جاں دیکھ آیئں

آؤ ! بھیگی ہوئی آنکھوں سے پڑھیں نوحہء دل
آؤ ! بکھرے ہوئے رشتوں کا زِیاں دیکھ آئیں

جس سے ٹکرا کے گِرے تھے کبھی اربابِ خِرد
آؤ ! نزدیک سے وہ سنگِ گراں دیکھ آئیں

وقت جاتے ہُوئے کیا لکھ گیا پیشانی پر
آؤ ! آشُفتگیء عہدِ رواں دیکھ آئیں

ٹُوٹا ٹُوٹا ہُوا دل لے کے پھِریں گلیوں میں
کچی مِٹی کے کھلونوں کی دُکاں دیکھ آئیں

روشنی کے کہیں آثار تو باقی ہوں گے
آؤ ! پِگھلی ہُوئی شمعوں کا دُھواں دیکھ آئیں

جِن درختوں کے تَلے رقصِ صبا ہوتا تھا
سُوکھے پتوں کا برسنابھی وہاں دیکھ آئیں

اُڑ رہے ہوں گے کہیں ، جھُنڈ ابابیلوں کے
آؤ ! سنسان دریچوں کا سماں دیکھ آئیں

اب فرشتوں کے سِوا کوئی نہ آتا ہو گا
کون دیتا ہے خَرابے میں اذاں ،دیکھ آئیں

مُدتوں بعد مہاجر کی طرح آئے ہیں
رُوٹھ جائے نہ کھنڈر ، آؤ مِیاں ! دیکھ آئیں

( قیصر الجعفری )​

 

نادر بھائی،!!!!!
سبحان اللٌہ
بہت ھی خوبصورت ، قیصر الجعفری کا کلام ھے، ماشاء اللٌہ!!!!!!

 

اچھا کلام ھے جعفری جی کا
شکریہ نادر جی اس شئیرنگ کے لئے

 

سبحان اللہ ۔
بہت عمدہ استعارات و تراکیب ہیں۔
پچھتاوے کے احساس کی منظر کشی بھی خوب کی گئی ہے۔

نادر خان بھائی آپ نے واقعی نادر کلام ہم تک پہنچایا ہے۔
شکریہ ۔

 

السلام علیکم۔ بہت اچھا کلام ہے۔
شاعر جناب جعفری صاحب نے تو معلوم نہیں کن نشانات کی طرف اشارہ کیا ہے۔ لیکن سعودی عرب میں ہمارے پیارے آقاکریم :saw: اور انکے خاندان اور اصحابِ کرام رضوان اللہ عنھم کے نشانات تو آج کی سعودی حکومت ہر طرح سے مٹانے پر تلی بیٹھی ہے۔ خدا ان لوگوں کو ہدایت دے جنہوں نے ان عظیم ہستیوں کی نشانیوں کو صاف کرنے میں ہی " سارا اسلام" سمجھ لیا ہے۔

 

بہت خوب نادر بھائی، بہت خوبصورت شاعری ہے۔
شیئر کرنے پر بہت شکریہ

 

۔
۔
تمام لوگوں کا شکریہ۔۔۔

 

بہت خوب جناب۔۔۔بہت ہی خوب۔۔۔

 

مبارززززززززززززززززززززززززززززززززززززززززززززززززززززززززززز جی آپ کہاں سے

 

جی خوش رہیں۔۔۔۔

 

یہ میرے سوال کا جواب تھا کیا

 

آپ کا سوال کیا ہے۔۔۔۔۔۔؟۔۔مجھے تو سمجھ میں‌نہیں آیا۔۔۔کہاں سے مرُاد کیا؟
ویسے آپ نے یاد کیا اور ہم آگئے۔۔۔ :happy:

آپ بُلائیں اور نہ آئیں ہم یہ تو ممکن نہیں
سر کے بَل آجائینگے چل کے عشقِ اردو میں‌ فرصت ورصت کیا

 

اشعار لکھیں باتیں مت بنائیں زیادہ کوئی ناظم آ جائے گا ورنہ :201: :201: :201:

 

دیکھیں ڈرائیں مت۔۔۔میں کسی سے ڈرتا نہیں ہوں۔۔۔نادر بھائی ناراض ہو سکتے ہیں آپ سے۔۔۔ :happy:

 

یہ نادر بھائی کی دھمکی مجھے کیوں دیتے ھیں

 

ایسے ہی ۔۔۔ :happy: