ہارڈ ڈسک کی پارٹیشن بنانا

اکثر لوگ ہارڈ ڈسک کے پارٹیشن بناتے ہوئے یا پہلے سے بنے پارٹیشنز کا سائز بدلنے یا دو پارٹیشنز کو ملا کر ایک بناتے ہوئے ڈرتے ہیں۔ انھیں لگتا ہے کہیں وہ کچھ غلط نہ کر بیٹھیں جس سے ہارڈ ڈسک پر موجود ڈیٹا ضائع ہو جائے۔ اگر آپ پارٹیشنز کے حوالے سے بے فکر ہو کر کچھ تبدیلی کرنا چاہتے ہیں تو میکرورِٹ پارٹیشن ایکسپرٹ استعمال کریں۔ دیگر کمرشل سافٹ ویئر کی ٹکر کا یہ مفت سافٹ ویئر لاجواب فیچرز کا مالک ہے۔
یہ واحد مفت دستیاب پارٹیشن منیجر ہے جس میں ایڈوانس ٹیکنالوجی استعمال کی گئی ہے۔ اس سافٹ ویئر کے استعمال سے ڈیٹا ضائع ہونے کے زیرو فیصد چانس بھی نہیں۔ اس کے علاوہ اس کی مدد سے پارٹیشنز کی ڈیفریگمنٹ، انھیں ڈیلیٹ، ہائیڈ، فارمیٹ اور ڈرائیو لیٹر بھی بدل سکتے ہیں۔ اگر آپ نے کوئی پارٹیشن منیجر سافٹ ویئر استعمال کیا ہو تو آپ کو اندازہ ہو گا کہ پارٹیشنز کی تبدیلی کے دوران یہ کتنا وقت لیتے ہیں۔ جبکہ اس سافٹ ویئر کا دعویٰ ہے کہ یہ ان سافٹ ویئر سے تین سو فیصد تیز کارکردگی کا مالک ہے۔
اس کے علاوہ اس کی خاص بات یہ ہے کہ یہ پروگرام دو ٹی بی سے بھی زائد اسپیس رکھنے والی ہارڈ ڈسکز پر کام کرنے کی صلاحیت رکھتا ہے۔

دستیابی: مفت

فائل سائز: 3.9MB
مطابقت: ونڈوز ایکس پی، ونڈوز وستا، ونڈوز 7، ونڈوز 8

ڈاؤن لوڈ کریں

 

بہت عمدہ انفارمیشن جناب بہت شکریہ

 

زبردست ھارون بھائی
بہت مفید شیئرنگ ہے۔
بہت شکریہ

 

مفید شیئرنگ کے لیے بہت سا شکریہ

 

آپ کے کمپیوٹر کے ساتھ کیا مسئلہ ہوا ہے؟
۔

 

آپ کو چاہیے تھا پہلے ونڈو کے پر کاٹتے

ہارڈ ڈسک مینجمنٹ کے متعلقہ کوئی بھی سافٹ ویئر اچھی طرح سے سمجھ کر استعمال کرنا چاہیے۔
آئندہ احتیاط کیجیے گا۔

 

@نعیم بھائی ہارڈ ڈسک کی پارٹیشن بنانا ہارڈسک سے متعلقہ ایسے امور کافی تیکنیکی نوعیت کے ہوتے ہیں اور ان کو سر انجام دینا بھی گھریلو کمپیوٹر استعمال کنندہ کے لیے کافی پیچیدہ ہوتا ہے۔ عام کمپیوٹر یوزر کی سہولت کے لیے ایسے سافٹ ویئر بنائے گئے ہیں جس طرح کا ھارون بھائی نے لنک دیا۔ مطلب یہ اسی تکنیکی معاملے کو صرف کچھ کلک کی مدد سے حل کرنے کا سافٹ ویئر ہے۔ جس کو کرنے کے لیے ہمیں پہلے DOS پر لمبی لمبی کمانڈز دینی پڑتی تھیں۔ وہی کام ایسے سافٹ ویئرز کی مدد سے ایک عام یوزر باآسانی کر لیتا ہے۔ لیکن پھر بھی پارٹیشن کے متعلق کچھ بنیادی معلومات ہونا ضروری ہیں۔ جو کہ اس سافٹ ویئر اور اس سے ملتے جلتے کئی سافٹ ویئرز کے مینول اور ہیلپ کی آپشن میں موجود ہوتی ہیں۔ جس میں استعمال کے متعلق ہدایات اور بنیادی معلومات پر باتصویر مواد موجود ہوتا ہے۔ اگر ایسے سافٹ ویئرز کو استعمال کرنے سے پہلے ان کے ہیلپ وغیرہ کو تھوڑا پڑھ لیا جائے تو معلومات میں اضافہ کے ساتھ ساتھ اس کے استعمال اور استعمال کے دوران احتیاطی تدابیر سے آگاہی ہو جاتی ہے۔
ہارڈ ڈسک مینیجمنٹ کے متعلقہ اچھے سافٹ ویئرز مفت دستیاب نہیں ہیں۔ یا ان کو خریدنا پڑتا ہے یا پھر چوری شدہ استعمال کرنا پڑتے ہیں۔ جس سافٹ ویئر کا لنک ھارون بھائی نے دیا وہ کسی بھی اچھے سافٹ ویئر کا نعم البدل ہے اور مفت بھی ہے۔ اسے استعمال کرنے پر کوئی پابندی نہیں ہے بس تھوڑی بنیادی معلومات جو اس سافٹ ویئر کے ساتھ یقینا موجود ہوں گی اور تھوڑی احتیاط کہ کوئی بھی آپشن Yes یا No کرنے سے پہلے سکرین پر آنے والے پیغام کو اچھی طرح پڑھ لیا جائے اور سمجھ لیا جائے۔ تو امید ہے ایسا مسئلہ نہیں ہو گا۔