گونجتا ہے اذانوں میں نام آپﷺ کا ۔۔۔ سید صولت حسین قاضیؔ

گونجتا ہے اذانوں میں نام آپﷺ کا
ذکر عالم میں ہے صبح شام آپﷺ کا

درس قرآن ہے زندگی آپﷺ کی
اور کلام خدا ہے کلام آپﷺ کا

وقت معراج روح الا میں نے کیا
اللہ اللہ کیا اہتمام آپﷺ کا

آسمانوں پہ تھا قدسیوں کے میاں
کس قدر عزت و احترام آپﷺ کا

کوئی تفریق ان میں نہیں ہے مگر
انبیاء میں ہے ! اعلیٰ مقام آپﷺ کا

لب سے امی سے نکلا ہوا معجزہ
کیا فصیح و بلیغ ہے کلام آپﷺ کا

جاہ دنیا سے قاضیؔ کو مطلب نہیں
بس یہ کہلائے آقا غلام آپﷺ کا
٭٭٭
سید صولت حسین قاضیؔ (ممبئی)​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین