گلوں کی رہگزر ہے اور میں ہوں ۔۔۔ شاہین اقبال اثرؔ

گلوں کی رہگزر ہے اور میں ہوں
مدینے کا سفر ہے اور میں ہوں

درود، عشقِ نبیﷺ، اشکِ ندامت
یہ زادِ مختصر ہے اور میں ہوں

ملے چھن چھن کے رحمت جالیوں سے
مرے آقاﷺ کا در ہے اور میں ہوں

ہری ہے دوستو شاخِ تمنا
عقیدت کا شجر ہے اور میں ہوں

گلِ عشقِ نبوت کھل رہا ہے
کہ خوشبو سر بسر ہے اور میں ہوں

محبت کے چمن میں ہی بہاریں
عنایت کا ثمر ہے اور میں ہوں

نظر میں ہے شبیہِ سبز گنبد
بہارِ چشمِ تر ہے اور میں ہوں

وجودِ سرورِ عالمﷺ کے صدقے
دعائیں ہیں اثرؔ ؔ ہے اور میں ہوں
٭٭٭
رنگ عقیدت ﷺ ۔۔۔ شاہین اقبال اثرؔ
​

 

صلی اللہ علیہ وآلہ وسلم
درود، عشقِ نبیﷺ، اشکِ ندامت
یہ زادِ مختصر ہے اور میں ہوں​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین