گلشن فاطمہ کے تھے سارے گلاب ریت پر

اللھم صل علی سیدنا ومولانا محمد وعلی آلہ وصحبہ وبارک وسلم

آیا نہ ہوگا اس طرح حُسن و شباب ریت پر
گلشنِ فاطمہ کے تھے سارے گلاب ریت پر

آلِ نبی ص سے عشق نے جتنے سوال بھی کیے
ایک کے بعد اک دیے ، سارے جواب ریت پر

آلِ بتول کے سوا کوئی نہیں کھلا سکا
قطرہء آب کے بغیر اتنے گلاب ریت پر

عشق میں‌کیا بچائیے ، عشق میں کیا لٹائیے
آلِ نبی نے لکھ دیا سارا نصاب ریت پر

پیاسا حسین ع کو کہوں ۔ اتنا تو بےادب نہیں
لمسِ لبِ حسین ع کو ترسا ہے آب ریت پر

آلِ نبی ص کا کام تھا، آلِ نبی ص ہی کر گئے
کوئی نہ لکھ سکا ادیب، ایسی کتاب ریت پر

اللھم صل علی سیدنا ومولانا محمد وعلی آلہ وصحبہ وبارک وسلم

ادیب رائے پوری​

 

جواب: گلشن فاطمہ کے تھے سارے گلاب ریت پر

بھت خوب نور جی!
اللہ آپ کے نور میں اضافہ فرما دے!

 

جواب: گلشن فاطمہ کے تھے سارے گلاب ریت پر

جزاک اللہ نور جی

 

جواب: گلشن فاطمہ کے تھے سارے گلاب ریت پر

بھت خوب نور جی