گردِ رہِ مدینہ کے قابل نہیں رہا ۔۔۔ایاز صدیقی

گردِ رہِ مدینہ کے قابل نہیں رہا
"جس دل پہ ناز تھا مجھے وہ دل نہیں رہا"

عجزِ سخن ، کمال ہے مدحت کے باب میں
اس فن میں کوئی میرا مقابل نہیں رہا

اُن کے کرم سے کھل گئے سب عقدہ ہائے شوق
اب کوئی مرحلہ مجھے مشکل نہیں رہا

اب میں ہوں اور عشقِ شہنشاہِ بحر و بر
اب کوئی رنج مدِّ مقابل نہیں رہا

ہونٹوں پہ ہر نفس ہے وظیفہ حضور کا
میں اک نفس بھی آپ سے غافل نہیں رہا

ہاں آپ کے خیال کی دولت ہے میرے پاس
ہاں میں نشاطِ دہر کا سائل نہیں رہا

گُم ہو گئے ایاز مدینے کی راہ میں
احساسِ نارسائیِ منزل نہیں رہا
٭٭٭
ثنائے محمدﷺ ... ایاز صدیقی​

 

صلی اللہ علیہ وآلہ وسلم
اب میں ہوں اور عشقِ شہنشاہِ بحر و بر
اب کوئی رنج مدِّ مقابل نہیں رہا​

 

سبحان اللہ ۔جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین