گردش میں ہے فلک نہ زمیں پیچ و تاب میں ۔۔۔ایاز صدیقی

گردش میں ہے فلک نہ زمیں پیچ و تاب میں
کتنا سکوں ہے شہرِ رسالت مآبﷺ میں

طے کر رہا ہوں راہِ مدینہ بہ رخشِ خواب
"نے ہاتھ باگ پر ہے نہ پا ہے رکاب میں "

عشقِ محمدیﷺ نے مِری رہنمائی کی
کب سے بھٹک رہا تھا جہانِ خراب میں

ضو بار ہیں نقوشِ کفِ پائے مصطفےٰﷺ
تاروں میں ، کہکشاں میں ، مہ و آفتاب میں

ذکرِ نبیﷺ نہ ہو تو کہیں روشنی نہ ہو
بزمِ خیال میں نہ شبستانِ خواب میں

ہے سرنگوں جلالِ عمر آپ کے حضور
خورشید ڈھل رہا ہے رخِ ماہتاب میں

کیا لکھئے مدحِ صاحبِ لوح و قلم ایاز
مدحت کی انتہا ہے خدا کی کتاب میں
٭٭٭
ثنائے محمدﷺ ... ایاز صدیقی​

 

صلی اللہ علیہ وآلہ وسلم
ذکرِ نبیﷺ نہ ہو تو کہیں روشنی نہ ہو
بزمِ خیال میں نہ شبستانِ خواب میں​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین