کوئی پھر لے کے آتا کاش کہ تلوارِ فاروقی

زمانے کو دکھا جاتا کوئی کردارِ فاروقی
کوئی پھر لے کے آتا کاش کہ تلوارِ فاروقی

خدا تو بھیج دے اس دور میں ایسا کوئی حاکم
جہاں میں ہر طرف پھیلائے جو انوارِ فاروقی

سلاطین زمانہ جس کے در پر سر جھکاتے ہیں
کبھی اے کاش میں بھی دیکھتا دربارِ فاروقی

تو توہینِ رسالت سے اے نجدی باز آجاتا
عیاں گر تجھ پہ ہو جاتاکبھی اسرارِ فاروقی

خزاں جس در پہ جانے سے اے آسی خوف کھاتی ہے
ہے دامن میں بہاروں کے وہی گلزارِ فاروقی

از✏ آسی انصاری