کمال سیرت سرور ہیں جعفرطیار۔ ۔ ۔ ۔ بلال رشید

کمال سیرت سرور ہیں جعفرطیار
وقار حیدر صفدر ہیں جعفرطیار
حسن حسین کے تایا بتول کی چادر
قرار جان پیمبر ہیں جعفر طیار
حیا میں نازش عثمان ان کی ہستی ہے
وفا میں فخر ابوزر ہیں جعفر طیار
وہ مصطفیٰ کے پیارے وہ کبریا کے ولی
وہ سر بکف وہ دلاور ہیں جعفر طیار
کہا تھا والی حبشہ نے سن کے ان کا خطاب
بلا کے آپ مقرر ہیں جعفر طیار
نہیں ہے جن کا سخاوت میں کوئی بھی ثانی
وہ ایک مرد قلندر ہیں جعفر طیار
سنائی نعت نبی جس نے ارض حبشہ میں
وہ مصطفی کے ثناگر ہیں جعفر طیار
نماز جن سے کی منسوب اک پیمبر نے
وہ میرے سید و سرور ہیں جعفر طیار
ہے نور احمد مرسل سے نور ان کا ملا
سو اس لیے بھی منور ہیں جعفر طیار
ہزار زخم لگاتی رہے مجھے دنیا
بلال میرے رفوگر ہیں جعفر طیار
-----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین