کلام از واصف حسین

جواب: کلام از واصف حسین

طرحی مشاعرے کی لڑی میں‌کچھ تک بندی کی تھی ادھر بھی شئیر کر رہا ہوں۔

کیا بتاؤں تجھے رمزیں میں‌مسلمانی کی
تیرے ادراک پہ گرہیں ہیں بد گمانی کی

دل میں‌وہ آگ کہ برسات کی جل تھل میں‌بھی
ایک بھی بوند نہیں‌آ سکی ہے پانی کی

شباب میں‌بھی کہاں تجھ سے ہوئے کام درست
کیوں‌تجھے فکر ہے ڈھلتی ہوئی جوانی کی

تیری زلفوں میں سجاوٹ، تیری زلفوں میں‌گلاب
میری زلفوں کو تو عادت ہے پریشانی کی

اس کے دن پھر گئے کس بات پہ اللہ جانے
یوں تو واصف میں نہیں صفت کامرانی کی

 

جواب: کلام از واصف حسین

بتلاوںمیری جاناں کیا کیا ہے کیا تم نے
اک خاک کو پربت کے برابر ہے کیا تم نے

میں بے حس و بے معانی، تم دانا و دیدہ ور
میرے لیے پھر بھی ہے کیا کیا نہ کیا تم نے

میں تشنہ تھا تم آئے جُو بن کے میرے آگے
سیراب میرے من کو ہر طرح کیا تم نے

میں کانچ کا پیکر تھا مجھے تم نے کیا خارا
احسان ہے تیرا یہ، یہ بھی ہے کیا تم نے

وعدے کا وفا ہونا ہے وقت کے پردوں میں
یہ بھی ہے کرم تیرا ، وعدہ تو کیا تم نے

واصف کسے بتلاوں جو راز ہے سینے میں
ہمدم میرے! کیوں مجھ کو ہمراز کیا تم نے

واصف حسین۔ دسمبر 2012

 

جواب: کلام از واصف حسین

مجنوں فرہاد کا کیا کہنا کہ عشق کے مارے یہ سب ہیں
ہم عشق کے دعوے دار نہیں، ہم عشق کے قابل ہی کب ہیں

ہے پیار تو صحبت کا بھوکا اور پیت ہے مانگے پیا ملن
ہے عشق گریزاں حرصوں سے،اس کے تو نرالے ہی ڈھب ہیں

کبھی آگ کو ٹھنڈا کر دے ہے، کبھی آگ بھرے ہے سینے میں
یہ کیا کیا رنگ دکھاتا ہے اور اس کے کیا ہی کرتب ہیں

سب دے کے کچھ نہ طلب رہے، یہ عشق کی پہلی منزل ہے
ہم سود و زیاں کے بازی گر، یہ منزل پاتے ہی کب ہیں

جب عشق جنوں میں ڈھل جائے، ہر غیر تمہیں دھتکار چکے
جب پتھر اور دشنام ملے، تو پھول برستے ہی تب ہیں

منصور کو سولی راس آئی، بہلول کو پھرنا در در کا
جو عشق میں اتنا ڈوب گئے وہ ہوش میں آتے ہی کب ہیں

واصف نے بھی پیار کو عشق کہا اور عشق کا دعوے دار ہوا
وہ جھوٹا ہے، سوداگر ہے، اس کے انداز وہی سب ہیں

واصف حسین۔ دسمبر 2012

 

جواب: کلام از واصف حسین

میں تشنہ تھا تم آئے جُو بن کے میرے آگے
سیراب میرے من کو ہر طرح کیا تم نے

اور

سب دے کے کچھ نہ طلب رہے، یہ عشق کی پہلی منزل ہے
ہم سود و زیاں کے بازی گر، یہ منزل پاتے ہی کب ہیں

منصور کو سولی راس آئی، بہلول کو پھرنا در در کا
جو عشق میں اتنا ڈوب گئے وہ ہوش میں آتے ہی کب ہیں

بہت خوب واصف بھائی!
عشق کے بھید کھولتا بہت اعلیٰ کلام۔
ہمارے ساتھ شیئر کرنے کے لیے بہت بہت شکریہ۔
اللہ کرے زورِ قلم اور زیادہ

 

پہلی مرتبہ نعت لکھنے کی ہمت باندھی ہے۔۔۔۔

میں گناہگار اور دیدارِ نبی کی خواہش
خاک کی چٹکی اور انوارِ نبی کی خواہش

ہو تیری دید کرم ایسا کبھی مجھ پر کر
دیدِ روضہ تو ہے سرکار سبھی کی خواہش

عشق کا دعویٰ کروں کیا کہ میں وہ عاصی ہوں
جسں نے پامال کی ہر بار نبی کی خواہش

تجھ کو ہے رحمت العالمیں کہا رب نے
ہے یہ درود لگاتار اُسی کی خواہش

دید اللہ کی ہو جائے شفاعت سے تیری
کیسے پوری ہو یہ دیدارِ نبی کی خواہش

اپنی رحمت کی نظر واصفِ نادان پہ کر
اس نے پہلے میری سرکار کبھی کی خواہش

 

ذکر نے تیرے کیا ،ایسے زرہ پوش مجھے
غمِ دنیا سے بھی کر ڈالا سبکدوش مجھے

سب خطا میری ہے کچھ آپ سے گلہ تو نہیں
میری رسوائیوں کا دیجئے سب دوش مجھے

میں گنہگار، سیاہ کار پر کرم سے تیرے
ہزار شکر کہ اب آ گیاہے ہوش مجھے

نظر نہ غیر کی جانب کروں ، نہ سن پاوں
اپنی رحمت سے عطا کر وہ چشم و گوش مجھے

تیرے کرم نے اک عاصی کو وہ رفعت بخشی
مہ و انجم نظر آتے ہیں قدم بوس مجھے

ان کی رحمت پہ میں صدقے کہ اپنے ہاتھوں سے
جام کوثر کا وہ کروا رہے ہیں نوش مجھے

ایک واصف بھی ہے دیدارِ نبی کا طالب
یہ جو مل جائے رہے کچھ بھی نہ افسوس مجھے

 

کلام کی جتنی تعریف کی جائے کم ہے۔ سبحان اللہ

 

سبحان اللہ
ماشاء اللہ
پیارے آقا علیہ الصلوۃ والسلام کی محبت سے معطر و منور کلام ہے۔
بہت خوب @واصف حسین بھائی

 

ماشاء اللہ بہت خوب۔۔۔۔واصف بھائی۔

سبحان اللہ۔

 

طرحی مشاعرے میں لکھتے ہوئے چند اشعار ہو گئے۔

وہ میرے ساتھ ہے، گرچہ وہ میرے پاس نہیں
یہی یقین ہے کچھ اور میرے پاس نہیں

وہ مجھ کو دے رہا ہے مہلتیں پلٹنے کی
یقین مجھ کوخدا پر ہے ، یہ قیاس نہیں

مجھے شفا وہ ہے دیتا میں کیسے یہ کہہ دوں
میرا علاج میرے چارہ گر کے پاس نہیں

خدایا مجھ کو بچا لے، میں راہ کھو بیٹھا
کسی سے تیرے سوا مجھ کو کوئی آس نہیں

یہ کس مقام سے واصف کو تو نےپلٹایا
خدایا تجھ سا تو کوئی بشر شناس نہیں

ظریفانہ
پھر آج چمچہ و بیلن ہے ہاتھ میں اس کے
یہی ہے عشق تو یہ عشق مجھ کو راس نہیں

وہ ڈاکٹر تو بڑا ہے مگر نہیں عاشق
مرا علاج مرے چارہ گر کے پاس نہیں

بتاؤں کیا کہ یہ کیسا ہے اطمینان مجھے
کہ کل جو آ رہی ہے گھر وہ میری ساس نہیں

یہ کیا ہوا ہےکہ واصف چلا ہےدیر سے گھر
وہ جا رہا ہےمگر پھر بھی بدحواس نہیں

 

بہت خوب۔

زبردست

 

سید شہزاد ناصر صاحب ایک نظر کرم ادھر بھی

 

ارے واہ
آپ کا یہ وصف اب تک پوشیدہ کیوں رہا
خیر پڑھ کر رائے دیتا ہوں

 

بہت خوب فرداََ فرداََ تبصرہ فوری طور پر تو ممکن نہیں
بہر حال مجموعی طور یہ ہی تبصرہ کروں گا کہ آپ کے خیالات کی وسعت اور مشاہدے کی گہرائی آپکے کلام سے عیاں ہے موضوعات کا تنوع الفاظ کا چناؤ جدت تراکیب طرز بیان بہت خوب ہیں کہیں کہیں ثقالت کا احساس ہوا اس کے بارے میں بات چلتی رہے گی مختصراََ اتنا ہی کہوں گا
اللہ کرے زور قلم ذیادہ

 

حوصلہ افزائی کا بہت شکریہ۔ شاعری تو نہیں بس تک بندی ہے۔ بہت جگہ اوزان بھی خطا ہوئے ہیں۔ بس دوستوں کی حوصلہ افزائی ہے کہ لکھے جاتا ہوں۔

 

اوزان ہی نہیں اوسان بھی خطا ہوئے ہیں

 

جس نے سمجھا کہ وہ سمجھا تو وہ سمجھا ہی نہیں

رب کو مانوتو ہر اک بات میں یکتا مانو
کوئی ہمسر نہ کوئی دوسرا اس سا مانو
کوئی منطق،نہ تقابل، نہ اشارہ مانو
عقل معذور ہے، دل سے اسے اپنا مانو
اس کی یہ شان کہ ادراک میں سمٹا ہی نہیں
جس نے سمجھا کہ وہ سمجھا تو وہ سمجھا ہی نہیں


الغفار ہے تو عفو و کرم کی حد کیا ؟
القہار ہے تو قہر و غضب کی حد کیا ؟
وائے حیرت کہ ہو بے حد و حصر کی حد کیا ؟
جب احد ہے تو ہوئی اس پہ جہاں کی حد کیا ؟
اِنس محدود ہے اس واسطے سمجھا ہی نہیں
جس نے سمجھا کہ وہ سمجھا تو وہ سمجھا ہی نہیں


تہ بہ تہ خود ہی حقیقت کو عیاں کرتا ہے
ہر نئے موڑ پہ پھر خود کو نہاں کرتا ہے
طور کو ایک تجلی سے دھواں کرتا ہے
دلِ مسلم میں مگر اپنا مکاں کرتاہے
جس نے دیکھا اسے دیکھا، تو بھی دیکھا ہی نہیں
جس نے سمجھا کہ وہ سمجھا تو وہ سمجھا ہی نہیں


یا خدا تیری ہے یہ احسنِ تقویم کمال
اس کے اعمال نے پھر ڈال دیا اس پہ زوال
اور واصف بھی اسی ضعف کی ہے عین مثال
رحم ہو ہم پہ ہمیں آگ کے کنویں سے نکال
جس کو تو نے نہ نکالا، تو وہ نکلا ہی نہیں
جس نے سمجھا کہ وہ سمجھا تو وہ سمجھا ہی نہیں

واصف حسین

 

واہ واصف جی ۔ خوب روحانی و صوفیانہ کلام تخلیق کیا۔ بہت اعلیٰ