کس کے قلم سے ہو بیاں عظمت حسین (رض) کی

2 روز قبل سیدالشہداء سیدنا امام حسین (ع) کی منقبت لکھنے کی توفیق عطا ہوئی۔الحمد للہ۔۔۔ تحدیث نعمت کے طور پر اور ایمان کی تازگی کے لیے یہاں پیش کرتا ہوں ۔۔۔۔

کس کے قلم سے ہوبیاں عظمت حسین کی
احسان دین پر ہے شہادت حسین کی

حبِ حسین، حُبِ الہی کا ہے نشاں
اللہ سے دشمنی ہے عداوت حسین کی

ایماں کا راز صاحبِ قرآن سے پوچھ لے
قرآن سکھا رہا ہے موءدت حسین کی

حسن و حسین گلشنِ نبوی‌ کے پھول ہیں
گل میں مہک حسن کی،رنگت حسین کی

مولائے کائنات ہیں بابا حسین کے
امّاں ہیں نورِ نظرِ رسالت حسین کی

زندہ ہے بن کے پیکرِ صبر و رضا حسین
دائم ہے طرزِ فکرِ شہادت حسین کی

تِشنہء دیدِ جلوہء حق تھے میرے حسین
ناداں سمجھ سکے نہ محبت حسین کی


لے کر چلے ہیں کنبہء نبوی کو کربلا
مقتل میں مسکرانا ہے جراءت حسین کی

اصغر ہوں یا ہوں اکبر حوالے خدا کیے
بے مثل و با کمال سخاوت حسین کی

گردن ہے زیرِ خنجرِ شمرِ لعین کے
اوجِ سجود پر ہے عبادت حسین کی

چاہت ہے دل میں غلبہء دیں کی تو اے رضا
کربل سجاؤ زیرِ امامت حسین کی

محمد نعیم رضا۔ بروز پیر 2007-01-22​

 

Re: مناقب بصورت نظم

سبحان اللہ۔۔۔ ابنِ علی کی ایک اور منقبت حاضر ہے

شبیر کربلا کی حکومت کا تاجدار
کامل امام، دوشِ نبوت کا شہ سوار
ہے جس کی ٹھوکروں میں خدائی کا اقتدار
جس کے گداگروں میں دنیا کے تاجدار

وہ جس کی عاجزی میں سمٹ آئے سروری
کھولے دلوں پہ جس نے رموزِ سکندری
کٹ کر بھی کر رہا ہے شریعت کی یاوری
جس نے سمندروں کی سکھائی ہے شناوری

جس کے غلام اب بھی سلیماں سے کم نہیں
جس کا مزار خلد کے ایواں سے کم نہیں
جس کی زبان وعدہء یزداں سے کم نہیں
جس کا سخن لطافتِ قرآں سے کم نہیں

جو میرِ کاروانِ موءدت ہے وہ حسین
جو مرکزِ نگاہِ مشیت ہے وہ حسین
جو رازدارِ کنزِ حقیقت ہے وہ حسین
جو تاجدارِ ملکِ شریعت ہے وہ حسین

اللھم صل علی سیدنا و مولانا محمد وعلی آلہ و صحبہ وبارک وسلم​

 

Re: مناقب بصورت نظم

سبحان اللہ

 

جزاک اللہ۔۔

صلی اللہ علیہ وسلم

 

بہت بہت شکریہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔