کسان کی خوبصورت بیٹی سے شادی کے لئے نوجوان کی خواہش کا اظہار۔۔۔۔۔

ایک جوان آدمی کو کسان کی خوبصورت بیٹی سے محبت ہوگئی اور وہ اس سے شادی کرنا چاہتا تھا۔ پس وہ کسان کے پاس گیا اور اس سے لڑکی کا ہاتھ مانگا۔

کسان نے اسے بغور دیکھا اور کہا، "بیٹا جاؤ، اور سامنے کھیت میں کھڑے ہوجاؤ۔ میں تین (3) بیلوں کو ایک ایک کرکے چھوڑوں گا۔ اگر تم نے کسی ایک بیل کی دم پکڑ لی تو میں تمہاری شادی اپنی بیٹی کردوں گا"۔

جوان آدمی، گھاس پر جاکر کھڑا ہوگیا اور پہلے بیل کا انتظار کرنے لگا۔

باڑے کا دروازہ کھلا اور ایک بھاری بھرکم اور خوفناک نظر آنے والا بیل جو اس نے پہلے کبھی نہیں دیکھا، دوڑتا ہوا اس کی طرف آیا۔

اس نے یہ سوچ کر بیل کی دم پکڑنے کی کوشش نہ کی، کہ شاید دوسرا بیل اس سے بہتر انتخاب ہو۔ پس وہ ایک جانب ہوگیا تاکہ بیل باڑے کے عقبی دروازے سے گزر جائے۔
باڑے کا دروازہ ایک بار پھر سے کھلا۔ نوجوان نے لاحول ولاقوة پڑھا کیونکہ اس نے اپنی پوری زندگی میں اس سے پہلے کبھی بھی اتنا بڑا دیو ہیکل اور خونخوار بیل نہیں دیکھا تھا۔ بیل نے زور سے اپنا پاؤں (کھر) زمین پر پٹخا، غراتے ہوئے،منہ سے رال ٹپکاتے ہوئے ، نوجوان کی طرف دیکھا۔

نوجوان نے سوچا، خواہ کچھ بھی ہو، اس کے بعد والا بیل تو ضرور بہ ضرور اس بھیانک بیل سے اچھا ہوگا۔ وہ باڑ کے جنگلے کی طرف دوڑا اور بیل کو باڑے کے عقبی دروازے سے گزرنے کا راستہ دیا۔

باڑے کا دروازہ تیسری بار کھلا تو نوجوان کے چہرے پر خوشی سے مسکراہٹ پھیل گئی۔کیونکہ اس مرتبہ کمزور ترین، انتہائی لاغر اور چھوٹا سا بیل تھا جو اس نے پہلے کبھی بھی نہیں دیکھا تھا۔

نوجوان اس قسم کے بیل کا ہی منتظر تھا۔ جیسے ہی بیل دوڑتا ہوا آگے بڑھا، نوجوان نے اپنی پوزیشن سنبھالی اور عین اس وقت اس پر جھپٹا جب وہ اس کے بالکل مقابل تھا۔۔
اس نے بیل کو گرفت میں لیا، لیکن وہ دم کٹا نکلا۔۔۔۔۔

کہانی کا نتیجہ:

زندگی حسین مواقعوں سے بھری پڑی ہے۔ کوئی شخص ان مواقعوں سے بآسانی فائدہ حاصل کرلیتا ہے اور کسی کے لئے یہی کام محال ہوتا ہے۔لیکن ہم ایک مرتبہ ان مواقعوں کو ضائع کردیں (اس امید پر کہ شاید کوئی بہتر موقع ہاتھ آجائے) تو یہ مواقع ممکن ہے دوبارہ میسر نہ ہوں۔ اس لئے ہمیشہ اولین موقع کو پکڑیں۔

 

بہترین اسلوب اختیار کرکے آپ نے بہترین سبق سکھایا ہے . آپ کے لیے زوردار تالیاں ‎‎

 

جزاک اللہ

 

اے گل وی چنگی اے۔۔۔۔۔۔۔۔

 

نوجوان کے ساتھ یا نوجوانی کے ساتھ ؟؟؟