کر تزکرہ ہر آن حضرت جعفر طیار کا۔ ۔ ۔بلال رشید

کر تزکرہ ہر آن حضرت جعفر طیار کا
واصف ہے خود قرآن حضرت جعفر طیار کا
کی پرورش جس نے شہہ ابرار کی دس سال تک
والد ہے وہ عمران حضرت جعفر طیار کا
اسلام کا پرچم ملا موتہ میں آقا سے انہیں
یہ مرتبہ بھی مان حضرت جعفر طیار کا
یوں تو ہزاروں مل گئے سالار پھر اسلام کو
پایا نہ پر ہم شان حضرت جعفر طیار کا
پرچم نبی کے دین کا اونچا رہے میدان میں
تھا بس یہی ارمان حضرت جعفر طیار کا
دونوں کٹا کر ہاتھ بھی پرچم نہیں جھکنے دیا
تھا کس قدر ایمان حضرت جعفر طیار کا
اجداد جن کے زندگی بھر دشمن احمد رہے
کیا ہو انہہیں عرفان حضرت جعفر طیار کا
بن کر سفیر مصطفی اس شان سے حبشہ چلے
تھا مقتدی عثمان حضرت جعفر طیار کا
صلی علی صلی علی تعظیم سے روح الاامیں
بنتا ہے خود دربان حضرت جعفر طیار کا
گر آپ کو مطلوب ہے خیر الورا کی معرفت
پھر ٹھامیے دامان حضرت جعفر طیار کا
حبشہ کے والی نے پڑھا کلمہ شہہ ابرار کا
دیکھا وہ جب ایقان حضرت جعفر طیار کا
اب حسرت دنیا نہیں مجھ کو بلال حق نوا
باقی ہے بس ارمان حضرت جعفر طیار کا
------
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین