کرکٹ کلاسک: جب آصف مجتبی نے آسٹریلیا کو حیران کر دیا

پاکستان کے سابق بلے باز آصف مجتبی نے فرسٹ کلاس کرکٹ میں 49.39 کی اوسط سے 291 میچوں میں شاندار 17932 رنز بنا رکھے ہیں۔
تاہم، بہترین ڈومیسٹک کیرئیر کے باوجود وہ گوشہ گمنامی کا شکار ہیں کیونکہ پاکستان میں صرف عالمی سطح پر پرفارم کرنے والوں کو سٹار کا درجہ دیا جاتا ہے۔
یہ سچ ہے کہ عالمی سطح پر مجتبی کی پرفارمنس ڈومیسٹک کرکٹ کے برعکس زیادہ متاثر نہ کر سکی، تاہم ماہرین اور ساتھی کرکٹر متفق ہیں کہ آصف کو ان کی صلاحیتوں سے کم شہرت ملی۔
کراچی سے تعلق رکھنے والے مجتبی نے 25 ٹیسٹ میچوں میں 928 رنز جبکہ 66 ون ڈیز میں 1068 رنز بنا رکھے ہیں۔
مجتبی کی کچھ میچ وننگ اننگز مثلاً 1987 میں دیو ہیکل آسٹریلیا کے خلاف کارکردگی بھی زیادہ توجہ حاصل نہ کر سکی۔
بدقسمتی سے انہیں صرف 1992 میں سٹیو وا کو آخری گیند پر چھکا مارنے والے بلے باز کےطور پر یاد رکھا جاتا ہے۔

http://www.dawnnews.tv/news/1025630/