کراچی کے نشاط سنیما کی فروخت کی تیاریاں

تاریخ: 19 اپریل ، 2015

کراچی کے نشاط سنیما کی فروخت کی تیاریاں


نشاط سنیما اپنے عروج کے وقت
​

کراچی کا نشاط سنیما فروخت ہونے والا ہے- ملک کے اس تاریخی سنیما نے عروج کی شبنم بھی دیکھی اور زوال کی آگ بھی۔پرانی فلموں کو بام عروج پر پہنچانے والا،کئی فلموں کی تاریخی کامیوں کا حصے دار اور گواہ،کراچی کے شہریوں کو سستی تفریح فراہم کرنے والا نشاط سنیما جو بالآخر فروخت ہونے والا ہے-نشاط سنیما کا افتتاح 1949 میں مادر ملت فاطمہ علی جنا ح نے کیاتھا،اس سنیما میں کئی فلموں نے گولڈن جوبلی بھی منائی۔ذوالفقار علی بھٹو بھی اس سنیما میں تفریح کی غرض سے آچکے ہیں ۔2012میں ایک احتجاج کے دوران شرپسندوں نے اس تاریخی سنیما کو جلا دیاتھا۔نشاط سنیما کے جلنے کے ساتھ ا س سے جڑی کئی یادیں بھی راکھ ہوگئیں۔آج بھی ایم اے جناح روڈ سے گزرتے ہوئے اس کی تباہ حالی دیکھی جاسکتی ہے ۔نشاط سنیما کے مالک ندیم مانڈوی والا نے شکوہ کیا کہ تمام چینلز نشاط سنیما کے جلنے کی لائیو کوریج کرتے رہے مگر پولیس اس تاریخی ورثے کی حفاظت کے لیے کچھ نہ کر سکی۔ندیم مانڈوی والا کا کہنا تھا کہ نشاط سنیما سے کراچی کے شہریوں کی تاریخ وابستہ رہی ہے ۔ پہلے تو کاروباری منافع کیلیے سینما کو ختم کر کے کمرشل پلازا بنائے گئے اور اب تاریخی ورثہ بھی کاروبار کی بھینٹ چڑھنے والا ہے،جس سنیما کا افتتاح مادر ملت نے کیا جہاں اداکار محمد علی کی پہلی فلم کی نمائش کی گئی۔کبھی اس بڑے پردے پر خوبصورت فلمیں سجا کرتی تھیں،وہاں آج تباہی اور سناٹے کا راج ہے۔نشا ط سنیما کی فروخت کے ساتھ ہی پاکستانی سنیما کی تاریخ کا سنہری باب بھی بند ہوجائے گا۔

میں نے اپنی زندگی کی پہلی فلم ’سہیلی‘ نشاط سینما میں ہی دیکھی تھی۔

نشاط سنیما اپنے زوال کے بعد​

 

پاکستان میں معیاری فلمیں بننا بھی تو بند ہوگئی ہیں لہٰذا تیس چالیس سال پرانی بھارتی فلموں کی نمائش سے بہتر ہے کہ سنیما بند کردیئے جائیں

 

میں نے بھی ایک پیراڈائز سینما جہلم میں ایک فلم دیکھی تھی ۔ لیکن یاد نہیں رہا کہ فلم کونسی تھی ؟ صرف اتنا یاد ہے کہ اس میں جس ایکٹرس نے ہیروئین کا رول ادا کیا تھا، اس کی آنکھیں نیلی تھیں اور کریڈٹس میں اس کے نام سے پہلے پری چہرہ لکھا ہوا تھا ۔ یہ اس کی پہلی فلم تھی اور شاید آخری بھی ۔۔۔ کیونکہ اس کے بعد اس کا نام کبھی سننے میں نہیں آیا۔
پیراڈائیز سینما جہلم کا سب سے خوبصورت اور جدید سینما تھا۔ جہلم میں دو اور بھی سینما ہوا کرتے تھے ۔ ایک ناز سینما تھا جو جی ٹی ایس اڈے کے ساتھ تھا، اس کے ساتھ مہوش ہوٹل اور زیلف ہوٹل ہوا کرتے تھے ، شاید اب بھی ہوں ۔۔۔۔ اور ایک اور سینما اندر شاندار چوک کی جاتے ہوئے دائیں طرف ہوا کرتا تھا، جس سے پہلے پہلوانوں کا اکھاڑہ ہوا کرتا تھا۔ اور سینما کو جانے والے راستے میں ایک خان صاحب کی چپل کباب کی ریڑھی سے ہم نے زندگی کا پہلا چپل کباب کھایا تھا۔اور شاندار چوک سے بالکل ملحقہ بٹ کباب ہاؤس سے زندگی کی پہلی کڑاہی ۔۔۔۔۔۔۔۔۔۔۔۔۔

 

پوسٹ لگانے کا مزا آرہا ہے، بہت سو کی پرانی یادیں تا زہ ہورہی ہیں، عمر خیام صاحب اُس نیلی آنکھوں والی اداکارا کا نام ‘پری چہرہ نسیم’ تھا جو دلیپ کمار کی ساس تھیں، اگر یہ معلومات صیح ہوں تو فورا دو روٹی اور چار چپلی کباب روانہ کردیں۔

 

صاحب آپ نے تو ہمیں "بدنام" کرکے رکھ دیا ہے، ھارون بھائی نے تو باقاعدہ انگلیاں اٹھانا شروع کردی ہیں۔ بھئی ہم اتنے پرانے بھی نہیں ہیں ، یعنی تھوڑے بہت پرانے کہلانے میں تو کوئی قباحت نہیں ، لیکن آپ نے جس انداز سے " بہوووووت " لکھا ہے ، اس سے ہمیں ایک واقعہ یاد آگیا ہے جو عین ہماری شادی کے دن رونما ہوا تھا ۔ یعنی جب ہم دولہا بنے اپنے سسرال میں تشریف لے کے گئے تو ایک خاتون نے بھی اسی انداز میں ناک پہ انگلی رکھ کہ کہا تھا، " اچھاااااااااااا، یہہہہہہہہ ہے دولہا!!!!!!"

 

سید انور محمود بھائی، معذرت کہ آپ دو روٹیاں اور چار کباب کا انعام نہیں جیت پائے۔ میں جس پری چہرہ کی بات کررہا ہوں اس نے شاید اس کے بعد کسی فلم میں کام نہیں کیا، مجھے اس کا نام یاد نہیں رہا۔ لیکن ذہن پر بہت سا زور دینے اور ٹھوکنے بجانے کے بعد یاد آیا ہے کہ اس فلم کے ہیرو فیصل تھے ، جو بعد میں اپنا نام فیصل رحمان لکھنا شروع ہوگئے تھے ۔فلم میں ہیروئین کانام لیلی تھا۔ اور فلم کا نام شاید " لو سٹوری" تھا اور یہ اسی کی دھائی کے وسط کی بات ہے ۔

 

اس زمانے میں دلہا کو زیادہ بولنے کی اجازت نہیں دی جاتی تھی ۔ ویسے بھی وہ وقت نازک تھا اس لیے ٹالنا مناسب سمجھا۔ دل کو یہ کہہ کر بھی جواب دینے سے منع کیا کہ شرارتی لوگ ہر جگہ ہوتے ہیں ، کیا پتہ اس مائی نے رنگ میں بھنگ ڈالنے کی کوشش کی ہو۔ حالانکہ اس وقت خود ہمارا رنگ پیلا پڑا ہوا تھا۔ جسے دیکھ کر ہماری ٹیم کی خواتین صدقے واری ہوئی جارہی تھیں کہ لڑکے پہ "روپ" خوب چڑھا ہوا ہے۔

 

یہ آپ نے ہمیں کس طرف لگا دیا ھارون رشید بھائی ۔ ہم تو پاکستانی55 سے یہ پوچھنے آئے تھے کہ انہوں نے اپنی پہلی فلم کن حالات میں دیکھی تھی؟ گھر سے چھپ کر آئے تھے یا جب جوان ہوکر برسرروزگار ہوچکے تھے اس وقت دیکھی؟ اور یہ بھی کہ اپنی پہلی فلمی دیکھنے کےلیے ایک زنانہ قسم کی فلم(کم از کم نام کی حد تک) کا انتخاب کیوں کیا؟

 

جواب کا شکریہ عمر خیام صاحب، بھائی ہارنے والے کو بھی کھلادینا چاہیے بھوک تو سب کو لگتی ہے، چلیں آپکو ڈسکاونٹ دے دیتا ہوں روٹی ہارون رشید صاحب سے مانگ لونگا چپلی کباب کا خرچہ آپ برداشت کرلیں
چار سال ہوگئے ہیں چپلی کباب کھائے ہوئے۔

 

ہمیں بھی پورے چار دن ہوگئے ہیں چپلی کباب کھائے ہوئے۔
آپ حکم کریںپاپیادہ چپلی کباب کھلانے کو حاضر ہوجاویں گے ۔ سر تسلیم خم ہے

 

شکریہ دوست۔ خوش رہیں۔