کبھی اے حقیقتِ منتظر نظر آ لباسِ مجاز میں۔۔۔

جو میں سربہ سجدہ ہوا کبھی تو زمیں سے آنے لگی صدا
ترا دل تو ہے صنم آشنا، تجھے کیا ملے گا نماز میں

مشکل الفاظ
صنم آشنا۔ بتوں سے شناسائی رکھنے والا، بت پرست

مفہوم۔ اقبال کہتے ہیں جب کبھی میں سجدے میں جاتا ہوں تو زمیں سے آواز آتی ہے کہ تو تو بتوں کو چاہنے والا ہے تجھے نماز سے کیا حاصل ہو گا۔یہاں ایک بات مبہم نظر آتی ہے کہ مسلمان بت پرستی میں تو مبتلا نہ تھے تو یہ کن بتوں کی بات ہو رہی ہے۔ اس کی وضاحت کے لیے اکبر الہ آبادی کا ایک قطعہ دیکھیں
ترقی کی نئی راہیں جو زیر آسماں نکلیں
میاں مسجد سے نکلے اور حرم سے بیبیاں نکلیں
مصیبت میں بھی اب یاد خدا آتی نہیں ان کو
دعا منہ سے نہ نکلی پاکٹوں سےعرضیاں نکلیں
یعنی مسلماں اپنی داد رسی کے لیے اللہ تعالیٰ سے رجوع کرنے کے بجائے اس دور میں انگریز سرکار اور اجکل سیاست دانوں کے در پر حاضری دیتے ہیں۔

 

غالب کا ذکر آ گیا تو اسی غزل کا ایک شعر اقبال کے آخری شعر کی عکاسی کرتا ہے
ایماں مجھے روکے ہے جو کھینچے ہے مجھے کفر
کعبہ میرے پیچھے ہے کلیسا میرے آگے

 

میشی وش بہن بھی آ کر دیکھ لیں تما م اشعار کی حسب بساط تشریح کر دی ہے۔

 

اس کی وضاحت کے لئے اقبال کا ایک اور شعر ہے
شیوہِ عشق ہے آزادی و دہر آشوبی
تو ہے زناری بت خانہِ ایام ابھی