چراغ بزم نبوت ہیں جعفرطیار ۔ ( بلال رشید

چراغ بزم نبوت ہیں جعفرطیار
مرے حضور کی شوکت ہیں جعفرطیار
نماز عشق خدا کی ادایئگی کے لیے
اذاں علی ہیں اقامت ہیں جعفر طیار
کٹا کے ہاتھ بھی جس نے علم نہ جھکنے دیا
وہ تاجدار عزیمت ہیں جعفرطیار
خطاب سن کے کہا ان کا شاہ حبشہ نے
بیان نطق نبوت ہیں جعفرطیار
وہی ہیں پہلے نمازی جہاں میں بعد علی
یہ سب پہ رکھتے فضیلت ہیں جعفر طیار
علی ہے قوت بازو شہہ مدینہ کا
ابوتراب کی طاقت ہیں جعفرطیار
بلال خوف ہو کیا مجھ کو روز محشر کا
مری دلیل شفاعت ہیں جعفرطیار
------
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین