پی ایچ پی بی بی کے نئے تھیم میں اردو سپورٹ کیسے

پی ایچ پی بی بی کے نئے تھیم میں ار

ًٰاسلام علیکم
مجھی اس بات کا بڑا دُکھ ہوا ہے کہ ہر شخص اپنے بارے میں ہی الجھا ہو اہے کو ئی کسی کی مد د کو تیا ر ہی نہیں حلا ں کے کسی کی مدد سے کسی کا علم کم نہیں ہو تا ۔ میں یہ معلوم لرنا چا ہتا ہو کے کی اسٹائل کو اپنے فارم کے لئے کس طرح کسٹما ئز کر تے ہیں
جواب کا انتظا ر ہے

 

صرف دو گولی ڈسپرین
طبیعت زیادہ خراب ہو تو اپنے معالج سے رابطہ کریں
ویسے آپ کا مسئلہ مدد والوں کو بھیج دیا گیا ہے
کل تک جواب آجائے گا انشااللہ ​

 

تفصیل کچھ اسطر ح ہے کہ میں نے ایک اردو پی ایچ پی فارم تشکیل دیا ہے لیکن اس کے بورڈ اسٹائل میں صرف ایک اسٹائل یعنی Sub selver ہے میں اس میں اور اسٹائل یعنی تھیم ایڈ کرنا چا ہتا ہو جیسے ہما ری اردو نے ایک مختلف اسٹائل اپلائی کیا ہوا ہے۔مجھے کس اسٹائل کو کسٹما ئز کرنے کے سلسلے میں مدد درکار ہیے

 

کو ئی سا بھی تھیم اسٹائل پلیز ہلپ میی

 

جی جناب بندہ حقیر پر تقصیر کچھ دنوں کی رخصت پر تھا سو آپ کی سمع خراشی کے لئے حاضر نہ ہو سکا۔

آپ کا مسئلہ (جو میں اوپر کے پیغامات سے اب تک سمجھا ہوں) وہ یہ ہے کہ مؤرخہ 18 جولائی سے آپ نے یہاں ایک اردو چوپال قائم کر رکھی ہے، جس میں صرف ایک ہی تھیم سب سلور موجود ہے جبکہ آپ کسی اور تھیم کا انتخاب کرنا چاہتے ہیں۔

اگر محض اتنی بات ہے تو پی ایچ پی بی بی کی ویب پر جائیے، وہاں آپ کو 172 مختلف تھیم مل جائیں گے انسٹال کرنے کو، یہ رہا ربط۔ ان میں سے کسی من پسند تھیم کو ڈاؤن لوڈ کریں اور اسے اپنی ویب سائٹ کے templates نامی فولڈر میں اپلوڈ کر دیں۔ اس کے بعد اپنی چوپال کے ایڈمن پینل میں جا کر دیکھیں وہاں آپ کو سب سلور کے علاوہ نیا اپلوڈ کردہ تھیم بھی دکھائی دے گا۔ اسے منتخب کر لینے سے وہ آپ کی چوپال میں بنیادی تھیم کے طور پر سب سلور کی جگہ لے لے گیا۔

اوپر لگے آپ کے دو پیغامات سے جتنی سمجھ پڑی اس کا جواب حاضرِ خدمت ہے۔ لیکن میرا نہیں خیال کہ آپ کا سوال یہ ہو سکتا ہے کیونکہ یہ تو بالکل سادہ سی بات ہے۔ میرے خیال میں آپ کو شاید سب سلور کی جگہ کوئی اور تھیم منتخب کرتے وقت اردو فونٹ اور الائنمنٹ وغیرہ کے مسائل درپیش ہیں۔ اگر ایسا ہے تو واضح لکھیں کہ آپ کو کس سطح پر پہنچ کر کسی رکاوٹ سے سابقہ پڑتا ہے، اور کون سے تھیم کے ساتھ۔

مجھے خوشی ہو گی اگر میں اس سلسلے میں آپ کی کوئی مدد کر سکوں۔

 

آپ کا دوسرا والا اندازاہ بلکل صحیح ہے میں جب کس تھیم کی فا ئلوں کو اپلوڈ کر کے انسٹال کرتا ہو تو کچھ اس طرح کا ہو جا تاہے
http://itpk.110mb.com/forum/index.php
اب ذرا چیک کریں

 

اور اردو پیڈ بھی غا ئب ہے مسیج والے حصے سے

 

السلام علیکم ورحمتہ اللہ وبرکاتہ

محترم صاحب آپ کو ہر تھیم لگاتے وقت پیڈ اور سٹائل شیٹ،،، سیٹ کرنی پڑے گی ۔۔۔

templates/Jet/Jet.css
اس فائل کو ایڈیٹ کریں‌۔۔۔۔

 

فونٹ کی تنصیب
نوید کی بتائی ہوئی سی ایس ایس فائل میں اپنا بنیادی فونٹ تبدیل کریں۔

ویب پیڈ کی تنصیب
ویب پیڈ کا کوڈ آپ کو اُن تمام فائلوں میں کاپی پیسٹ کرنا پڑے گا جن میں ٹیکسٹ ایریا اور ان پٹ فیلڈز ہیں۔ یہ کوڈ آپ کو کہاں کہاں پیسٹ کرنا ہے یہ تو شاید ان لوگوں کو بھی یاد نہیں ہو گا جنہوں نے اسے پہلی بار سب سلور میں لکھا تھا۔ اس کی آسان صورت تو یہ ہو سکتی ہے کہ ایسا کرنے کے لئے آپ سب سلور اور جیٹ دونوں تھیم کی باری باری ایک ایک فائل کھولیں اور اُن کا آپس میں موازنہ کریں۔ فائند کی کمانڈ کی مدد سے سب سلور تھیم کی فائل میں ویب پیڈ کا کوڈ تلاش کریں اور اس فائل میں جیسا جس جگہ کوڈ لگا ہو اسے کاپی کرتے ہوئے جیٹ تھیم کی متعلقہ فائل میں پیسٹ کر دیں۔ اسی طریقے سے باری باری تمام فائلوں کو دیکھیں۔ یہی ایک محفوظ طریقہ ہے صحیح کام کرنے کے لئے۔

ہماری اردو سمیت اردو میں تیار ہونے والی تمام یونیکوڈ چوپالوں میں سب سلور تھیم ہی کام کر رہا ہے۔ ماسوائے حکیم خالد صاحب کی ورلڈ پیس کے۔ اس لئے آپ حکیم صاحب سے بھی اس سلسلے میں رابطہ کر سکتے ہیں، انہوں نے سب سلور کی جگہ iCGstation نامی تھیم لگا رکھا ہے۔ انہیں یقیناً معلوم ہو گا کہ تھیم کی تبدیلی کے لئے ویب پیڈ کی کاپی پیسٹ کس کس فائل میں کہاں کہاں کرنا پڑتی ہے۔

 

اسلام علیکم
دوستوں میں نے جس لڑی کا آغاز کیا ہے اس میں میر ی بہت سی مدد ہو چکی ہے اور کچھ با قی ہےبا قیات میں اس لنک کو چیک کریں اور اس کے فا نٹ مسئلے کا حل بتائیں
پو سٹ والے فارم میں اردو پیڈ ڈال لیا ہے فا نٹ کچھ چھوٹا ہے
لنک:itpk.110mb.com/forum/index.php

 

وعلیکم السلام

ذرا ادھر اپنی سٹائل شیٹ دیکھیں:
http://itpk.110mb.com/forum/templates/Jet/Jet.css

اس فائل میں آپ نے مختلف کلاسوں کے لئے جو فونٹ سائز طے کیا ہے، وہی کام کر رہا ہے۔ جس جس کلاس کا سائز آپ بڑھانا چاہتے ہیں اسے اس فائل میں بڑھا دیں، خود بخود ویب میں لفظ بڑے دکھائی دینے لگیں گے۔

مثلاً آپ کی سٹائل شیٹ کی لائن نمبر 186 میں postbody کے لئے آپ نے 12px سائز لکھا ہے۔ اسے 14px یا 16px سے تبدیل کر دیں۔ اور اس کے بعد اپنے اس صفحے کو کھول کر دیکھیں، جہاں فونٹ سائز یقیناً بڑا ہو چکا ہو گا۔

اگر ایسا کرنے سے معاملہ حل نہ ہو یا کوئی رکاوٹ ہو تو ضرور بتایئے گا تاکہ آپ کو اس کا متبادل حل بتایا جا سکے۔