پیارے نبیﷺ کی یاد جو آئی تو رو دیے ۔۔ علامہ بدر القادری مصباحی

پیارے نبیﷺ کی یاد جو آئی تو رو دیے
نعتِ نبی ﷺ کسی نے سنائی تو رو دیے

طیبہ سے آنے والوں نے طیبہ کے ذکر سے
شہر نبی ﷺ کی یاد دلائی تو رو دیے

کتنے سکون کی ہے مدینے میں صبح وشام
آیا قریب وقتِ جدائی تو رو دیے

ظلمت کدے میں دل کے کسی نے دبے قدم
تشریف لا کے شمع جلائی تو رو دیے

ہنس ہنس کے قصہ لوگوں کا سنتے رہے مگر
باری جو اُن کے نام کی آئی تو رو دیے

رحمت کا اژدحام تصور پہ چھا گیا
جب دی کسی نے ان کی دُہائی تو رو دیے

اُن کے غلام اُن کے خیالوں میں مست تھے
زنجیرِ در کسی نے ہلائی تو رو دیے

والیل والی زُلفوں کے ژولیدہ بادہ کش
کالی گھٹا فلک پہ جو چھائی تو رو دیے

بول اے نکمے بدؔر تجھے کون پوچھتا
دامن سے بڑھ کے بھیک جو پائی تو رو دیے
------
علامہ بدر القادری مصباحی
​

 

پیارے نبیﷺ کی یاد جو آئی تو رو دیے
نعتِ نبی ﷺ کسی نے سنائی تو رو دیے
​

 

طیبہ سے آنے والوں نے طیبہ کے ذکر سے
شہر نبی ﷺ کی یاد دلائی تو رو دیے
​

 

کتنے سکون کی ہے مدینے میں صبح وشام
آیا قریب وقتِ جدائی تو رو دیے
​

 

ہنس ہنس کے قصہ لوگوں کا سنتے رہے مگر
باری جو اُن کے نام کی آئی تو رو دیے
​

 

رحمت کا اژدحام تصور پہ چھا گیا
جب دی کسی نے ان کی دُہائی تو رو دیے
​

 

اُن کے غلام اُن کے خیالوں میں مست تھے
زنجیرِ در کسی نے ہلائی تو رو دیے
​

 

بول اے نکمے بدؔر تجھے کون پوچھتا
دامن سے بڑھ کے بھیک جو پائی تو رو دیے
​

 

سبحان اللہ ۔ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​