پہلے کلفت اٹھائی دفتر کی

پہلے کلفت اٹھائی دفتر کی
پھر اٹھے خاک چھانی در در کی

تم کو ڈھونڈا نہ دل کے خانوں میں
ہم نے کنڈی بجائی ہر گھر کی

ہم تو صحرا نورد ہیں بھائی
بات کر یو نہ ہم سے تو گھر کی

درد سے پھٹ رہا ہو جن کا سر
ان کو حاجت نہیں ہے پتھر کی

تیری یادوں سے سینہ چیر لیا
اور باتوں نے" جا" لی خنجر کی

درد کو دل کا دے دیا رستہ
اور پھر ہم نے لی خبر سرکی

مارے مارے پھرے تری خاطر
صحرا صورت بنا لی ہے گھر کی

ہم کو اک لاش تو گرانی ہے
کون سلوٹ سمیٹے بستر کی

 

واہ واہ ... بہت عمدہ جناب

 

واہ واہ واہ واہ واہ واہ ... بہت عمدہ